BOLD National Convention

Resientemente, JCI Dutch Caribbean a organisá e evento, BOLD National Convention, ku tabata kordiná pa un di e organisashonnan lokal di JCI Dutch Caribbean, kual ta JCI CLIC. E programa di e evento aki tabata konsistí di varios aktividatnan importante, manera:

• Seremonia di Apertura
• Premionan TOYP (Ten Outstanding Young Persons)
• Kompetensia di CYE (Creative Young Entrepreneur) – ku tabatin 9 participante, ku Sugeidy Winster a bira e ganadó. E a risibí un business coaching di 1 aña, mas un premio di 2,500 Florin Cash
• Kompetensia di “Public Speaking”
• Kompetensia di “Debating”
• Diferente trainingnan i un panel di diskushon

Además di esaki, varios persona notabel a partisipá komo fasilitador di e evento aki, inkluí representantenan di Kòrsou i tambe di Trinidad & Tobago. E evento a konta ku alrededor di 118 partisipantenan konsistiendo di Kòrsou, SXM, West Indies, Surinam i Boneiru.

Na e anochi di “Awards Night”, tur organisashon di JCI Dutch Caribbean a gana diferente premionan. E organisashonnan ku mas a destaca i e miembronan di direktiva ku a sobresalí tambe a wordu rekonosé.

Pa Premionan TOYP 2024 (Ten Outstanding Young Persons), e sigiente persona nan a wordu rekonosé den diferente kategori:

• Business, Economic, and/or Entrepreneurial Accomplishment: Bertier (Bfox) Magdalena
• Academic Leadership and/or Accomplishment: Jasmira Wiersma
• Cultural Achievement: Luis Moka
• Moral and/or Environmental Leadership: Luigini (Luigi) Chavarria
• Contribution to Children, World Peace, and/or Human Rights: Derrick James
• Humanitarian and/or Voluntary Leadership: Rashel Hawker
• Personal Improvement and/or Accomplishment: Ceddanne Rafaela
• Medical Innovation: Dr. Angelino Tromp

Tambe a eligi un direktiva nobo pa JCI Dutch Caribbean pa aña 2025. Además di esaki, tres persona a wordu honra komo Senador pa nan kontribushon eksepshonal durante nan periodo komo miembro di JCI Dutch Caribbean.

Presidente di JCI Dutch Caribbean, Alidimir Vrutaal, a gradisí tur esnan ku di un manera òf otro a kontribuí i partisipá na e exitoso BOLD National Convention. Un danki spesial ta bai pa e komishon organizadó: Presidente di JCI CLIC Nathan Morishaw i National Convention Director Trevor Terzol, pa nan ekselente trabou!”