Ayanette Haard Statia tambe ta representá Kòrsou den kompetensia pa gana e título di mihó direktor internashonal 2024

Willemstad- Ayanette Haard Statia nos Miss Kòrsou 2002 ku ahinda ta aktivo den
mundu di beyesa lokal pero tambe internashonal un biaha mas, lo representá Kòrsou
den un dje sertamen nan di tiner mas grandi i popular internashonal pa e último 4 aña
ku ta Miss Teen Charm 2024. E sertamen lo tuma lugá den luna di Novèmber, for di 22
pa 30 di Novèmber na Barranquilla Colombia. Ayanette huntu ku su organisashon ta
gusta kompeti na sertamen nan di kaliber haltu i ku hopi prestigio pa asina garantisá un
eksperensia na nivel pa e partisipante pero tambe pa hasi un promoshon grandi pa nos
dushi Kòrsou.
E biaha aki QMQ Organization ku Ayanette Haard Statia na kabes ta biaha ku nos
representante Kedi Jimenez ku lo bai representá Kòrsou riba un esenario grandi ku 25
otro pais manera USA, Colombia, Puerto Rico, Venezuela i mas.
Tur aňa di nobo, e organisashon di Miss Teen Charm ta skohe e direktor internashonal
di aňa. Esaki ta un honor grandi pa e direktor pero tambe pa e pais ku nan ta
representa.
Pa gana e titulo aki, e direktor mester kumpli ku tur e rekisitonan nan den e tempu
stipula i tambe mester ta aktivo riba media sosial huntu ku su representante.
Falta apenas 3 siman pa Kedi i Ayanette sali pa Baranquilla Colombia. QMQ
organization huntu ku su tim ta trahando duru pa representá Kòrsou dignamente.
Por sigui Ayanette di aserka via medianan sosial i su organisashon kua ta Queen
Making Queens Organization mihó konosí komo QMQ. Tambe por sigui Kedi Jimenez i
duné tur sosten via su Instagram ku ta; kedi.jimenez.
For di awor nos ta desea Ayanette Haard Statia i Kedi Jimenez tur klase di éksito.