Minister Charles Cooper:  Firmamentu di akuerdo entre Gobièrnu di Kòrsou i FDKK pa kordinashon di terenonan pa deporte

Minister Charles Cooper:
Firmamentu di akuerdo entre Gobièrnu di Kòrsou i FDKK pa kordinashon di terenonan pa deporte
Djaluna 4 di novèmber, huntu ku Minister Sithree van Heydoorn nos a firma un akuerdo ku FDDK.
FDKK lo bai kordiná e proseso di otorgashon di algun tereno pa deporte. FDDK lo por traha òf laga traha e diferente akuerdonan di otorgashon i/òf palabrashon di intenshon.
FDDK lo haña maneho tambe di e terenonan, kual ta mayoria di e terenonan ku a wòrdú duná den pasado den maneho na SEDREKO. FDDK por duna tersernan derecho di uso tambe.
Domeinbeheer ta keda envolví den e proseso di otorgashon, dunando guia pa e akuerdonann i lo traha e pinturanan di otorgashon, i rapòrtnan di inspekshon.
Ministerio di OWCS lo tin ku monitoriá e desaroyo di e ròl nobo di FDDK komo kordinadó. OWCS i Domeinbeheer lo monitoriá e desaroyo.
Meta final ta pa FDDK haña mandato pa firma akuerdo na nòmber di Gobièrnu di Kòrsou, pues pa FDDK tuma henter e proseso di otorgashon over.
Pero promé ku esaki por tuma luga, FDDK lo mester kumpli ku algun rekesito, por ehempèl FDDK mester demonstrá ku e por produsí rapòrtnan kualitatuvo, pinturanan di otorgashon, i akuerdonan den konsepto. Domeinbeheer lo evaluá esaki tambe huntu ku Ministerio di OWCS