PREPARASHONNAN TA KONTINUÁ PA E PRÓKSIMO PARTIDONAN DI NOS SELEKSHON DIANAN 15 I 18 DI NOVÈMBER 2024 AKI NA KÒRSOU! NOS HUNGADÓNAN TA NA KÒRSOU!
PREPARASHONNAN TA KONTINUÁ PA E PRÓKSIMO PARTIDONAN DI NOS SELEKSHON DIANAN 15 I 18 DI NOVÈMBER 2024 AKI NA KÒRSOU!
NOS HUNGADÓNAN TA NA KÒRSOU!
Nos a drenta e siman di bèrdat, e siman kaminda nos selekshon nashonal lo enfrentá Saint Martin i Saint Lucia durante nos próksimo kompromisonan di Concacaf Nations League 2024 riba diannan 15 i 18 di novèmber binidero. Ámbos partido lo ta 7’or di anochi den Stadion Ergilio Hato.
Aparte di nos partidonan, dia 15 di novèmber Saint Lucia lo enfrentá Grenada i dia 18 di novèmber Grenada lo topa Saint Martin pa 4’or di atardi den Stadion Ergilio Hato. Riba kada fecha lo tin 2 partido pa un i tur por disfrutá di dje.
Ayera ‘nochi nos selekshon a pisa suela di Kòrsou pa kontinuá ku e preparashonnan pa nos partidonan di djabièrnè i djaluna awor.
Karchinan pa nos partidonan ya ta disponibel na e siguiente puntonan di benta;
- FFK di 10’or am pa 8’or pm
- Botika Mampuritu
- Mensing’s Caminada
- Pòmp di gasolin Sta Maria
- 4th of July snèk
Preis pa karchi general pa un dia di wega ta fl.25 pa adulto miéntras mucha di 6 pa 14 aña ku 60+ ta paga fl.15,-. E biaha aki nos lo tin paketenan pa ámbos dia ku ta kosta fl.45,- pa adulto i fl.25,- pa mucha di 6 pa 14 aña ku 60+.
Karchinan VIP pa un dia ta kosta fl.175,- ku konsumo inkluí miéntras karchi pa ámbos fecha ta kosta fl.300,-. E paktenan i karchinan di VIP ta optenibel solamente na FFK!
Kumpra bo karchi trempan pa bo bin sostené i apoyá nos selekshon durante nos próksimo partidonan di Nations League 2024!