Gobernantenan ta fortalesé kolaborashon entre Kòrsou i Sürnam / Regeringsleiders versterken samenwerking tussen Curaçao en Suriname
Asuntunan General i Promé Minister
Gobernantenan ta fortalesé kolaborashon entre Kòrsou i Sürnam
Publiká riba 24 Novèmber 2024
WILLEMSTAD – Pomé Minister Gilmar Pisas ta aktualmente na Sürnam pa un bishita ofishal den kuadro di e selebrashon di 49 aña di Independensia Estatal di Sürnam. Aparte di e aktividatnan festivo, Promé Minister Pisas tin un programa ku ta inkluí diferente reunionnan stratégiko i tambe bishitanan di trabou pa enforsá e kolaborashon bilateral entre Kòrsou i Sürnam.
Un delegashon di invershonistanan di Kòrsou ku a biaha huntu ku e Promé Minister, lo presentá solushonnan di energia inovativo na partnernan di Sürnam. Alabes tin un bishita planiá pa e área rural, kaminda e enfoke lo ta riba eksplorá posibilidatnan den sektor di agrikultura i turismo.
Promé Minister tambe lo tene un enkuentro ku Presidente Chandrikapersad Santokhi den Palasio Presidensial, kaminda den un ambiente konstruktivo nan lo diskutí ambishonnan komun i oportunidatnan nobo di koperashon. Minister Albert Ramdin di Asuntunan Eksterior, Komèrsio Internashonal i Kolaborashonnan Internashonal (BIBIS) tambe lo ta presente durante di e enkuentro akí, i lo pone énfasis riba e importansia stratégiko di un kolaborashon mas intensivo entre e dos paisnan.
E diálogonan ta konsentrá, entre otro, riba fortalesé e koperashon ekonómiko. Kòrsou tin un demanda na kresementu pa produktonan di agrikultura fresku, manera bèrdura i fruta, i tambe produktonan trahá di palu, inkluso porta i bentana. Sürnam tin tremendo kapasidat pa kubri e nesesidatnan akí.
Promé Minister Pisas ta indiká ku e kolaborashon akí ta bai mas leu ku solamente benefisionan ekonómiko. “Importá produktonan di Sürnam no solamente ta duna un impulso na nos sektor di turismo, pero tambe ta kontribuí na un kresementu ekonómiko sostenibel pa e dos paisnan. Esaki ta un kolaborashon ku ta trese resultado tangibel pa nos komunidatnan,” segun Promé Minister Pisas.
Tambe e konekshonnan históriko i kultural entre Kòrsou i Sürnam ta haña atenshon durante e bishita akí. “Nos relashon ta basá riba un historia komun. Fortalesé e lasonan akí ta pone e fundeshi pa un futuro yen di oportunidatnan nobo pa nos hendenan,” segun Promé Minister Pisas.
Minister Ramdin ta indentifiká posibilidatnan spesialmente den e área di energia i turismo. “Ku e rikesa natural di Sürnam i su atrakshon ekoturístiko úniko, i ku e eksperensia di Kòrsou den e sektor di hospitalidat, nos por promové e región komo un destinashon multifasétiko i atrakshon internashonal,” segun Minister Ramdin.
E bishita di Promé Minister ta marka un paso importante pa e relashon entre Kòrsou i Sürnam, ku enfoke riba un desaroyo sostenibel i un mehorashon den e nivel di bida pa ámbos pais.
Algemene Zaken en Minister President
Regeringsleiders versterken samenwerking tussen Curaçao en Suriname
Geplaatst op 24 11 2024
WILLEMSTAD – Premier Gilmar Pisas van Curaçao is momenteel in Suriname voor een officieel bezoek ter gelegenheid van de viering van 49 jaar staatkundige onafhankelijkheid van Suriname. Naast zijn deelname aan de feestelijke ceremonie heeft de premier een vol programma van strategische ontmoetingen en werkbezoeken om de bilaterale samenwerking tussen de twee landen te verdiepen.
Een Curaçaose delegatie van investeerders, die met de premier is meegereisd, zal tijdens het bezoek innovatieve energieoplossingen presenteren aan Surinaamse partners. Daarnaast staat een bezoek aan het binnenland op de agenda, waarbij de focus ligt op het verkennen van mogelijkheden in de landbouw- en toerismesector.
Premier Pisas zal ook een ontmoeting hebben met president Chandrikapersad Santokhi in het Presidentieel Paleis, waar zij in een constructieve sfeer gedeelde ambities en nieuwe samenwerkingskansen zullen bespreken. Minister Albert Ramdin van Buitenlandse Zaken, Internationale Business en Internationale Samenwerking (Bibis) zal aanwezig zijn bij deze ontmoeting en zal het strategisch belang van intensievere samenwerking tussen de twee landen onderstrepen.
De gesprekken richten zich onder meer op het versterken van de economische samenwerking. Curaçao heeft een groeiende vraag naar verse landbouwproducten, zoals groenten en fruit, evenals naar houtproducten, waaronder deuren en kozijnen. Suriname biedt uitstekende mogelijkheden om in deze behoeften te voorzien.
Volgens premier Pisas gaat deze samenwerking verder dan alleen economische voordelen. “Door Surinaamse producten te importeren, versterken we niet alleen onze toerismesector, maar dragen we ook bij aan duurzame economische groei voor beide landen. Het is een samenwerking die tastbare resultaten oplevert voor onze bevolkingen,” aldus de premier.
Ook de historische en culturele banden tussen Curaçao en Suriname krijgen aandacht tijdens dit bezoek. “Onze relatie is gebouwd op een gezamenlijke geschiedenis. Door deze band te versterken, leggen we de basis voor een toekomst vol nieuwe kansen voor onze mensen,” benadrukt Pisas.
Minister Ramdin ziet vooral mogelijkheden in een strategisch partnerschap op het gebied van energie en toerisme. “Met Suriname’s natuurlijke rijkdommen en unieke eco-toeristische aantrekkingskracht en Curaçao’s ervaring in de hospitalitysector, kunnen we de regio als een veelzijdige en aantrekkelijke bestemming op de internationale kaart zetten,” aldus Ramdin.
Het bezoek van de premier markeert een belangrijke stap in het verder versterken van de samenwerking tussen Curaçao en Suriname, met een focus op duurzame groei en het verbeteren van de levensstandaard aan beide zijden.
Fotocredit: Kabient van de President van Suriname
