KUERPO POLISIAL KÒRSOU

KOMUNIKADO DI PRENSA
26 novèmber 2024

Dama turista ta bira malu durante di sambuyamentu i fayesé

505/2024
Djamars 26 di novèmber 2024 alrededor di 14.00’or, Sentral di Polis a dirigi un unidat pa
Coral Cliff pa un kaso di hogamentu.
Na yegada di e unidat, el a risibí informashon ku un dama turista di nashonalidat franses a
bira malu den awa na un profundidat.
E hòmber riba su propio forsa a bini ku e dama ariba te kaminda ku tabata na su alkanse.
A pidi presensia di personal di Wardakosta pa bini ku ekipo pa yuda saka e viktima i su
pareha for di den awa.
Na momentu ku a tres’é kantu, a kuminsá ku reanimashon pero sin e resultado deseá.
Dòkter di polis a konstatá morto i riba òrdu di fiskal di Ministerio Públiko a konfiská e kurpa
pa mas investigashon.