Fenomeno nobo di malversashon

 

 

---

 

 

 

 

KUERPO POLISIAL KÒRSOU

KOMUNIKADO DI PRENSA
9 desèmber 2024

Fenomeno nobo di malversashon

520/2024

Kuerpo Polisial a tuma nota di un fenómeno nobo ku ta lantando kabes, kaminda ku
malechornan ta bende propiedat ku no ta di nan ku tersera.
Ultimamente tin varios kompania i/o personanan ku ta hür outo ku a aserká polis,
indikando ku e persona ku nan a hür outo kuné a bende esaki ku tersera, durante ku nan
tabata disponé di e vehíkulo.
Tin siudadanonan (kumpradó) ku tambe a bira víktima, na momentu ku nan a depositá sèn
riba kuenta di e malechornan aki, pero na momentu ku e doñonan nobo kier a hasi e
trámitenan pa pone e outo riba nan nòmber, a bin tuma nota ku nan a wòrdu perhudiká.
E manera di operá di e malechornan aki ta, dor di aserka un persona of kompania di hür
outo ku un reibeweis falsifiká, di kua ni nòmber, ni adrès no ta kuadra. E propetarionan di e
outonan di hür, di buena fe ta hür e outonan, pa despues tuma nota ku sea nan outo ta na
benta òf ta haña nan mes konfrontá ku klientenan ku a paga pa un outo ku defakto no ta
propiedat di e bendedó.
Ya kaba polis a hasi algun detenshon den e kaso aki, pero tin indikashon ku ainda tin mas
persona ku ta hasi nan mes kulpabel na e práktika aki.
Un yamada ta bai na tur persona ku ta kumpra vehíkulo prinsipalmente ‘online’, pa paga
bon tinu i sigurá bo mes ku bo ta kumprando e vehíkulo serka e doño ‘outentiko’ di e outo,
promé ku bo hasi transakshon di pago.