Baluarte di Nos Karnaval 2025

Willemstad 13 di desèmber 2024:
Awe mainta durante e programa na Radio Direct den e programa di Argenis Huerta, Minister van
Heydoorn, Sra. Lizette Sambo – Velder direktora di departamento di Kultura i Deporte, FDKK i AGKK di un
forma karnavalesko a sorpresa Argenis Huerta pa partisipá na dje ku su persona a wòrdu skohe komo e
Baluarte di Karnaval 2025.
Argenis Huerta konosí komo “Huerta ta Toka” sigur a pone un stèmpel pa loke trata karnaval di korsou.
Ku un trayektoria di mas ku 30 aña partisipando di forma konsekutivo den tur marcha di karnaval di
korsou. E ta e Dj ku mas aña di partisipashon den historia di Karnaval.
Fuera di esaki e ta un persona dediká na loke e ta hasi, no solamente pa ku Karnaval pero sigur pa loke
ta Kultura di korsou den su totalidat.
Su manera di animá durante tur aktividat karnavalesko i tambe tur e marchanan ta algu ku Korsou a
kustumbrá kuné.
Korsou por ta sumamente orguyoso ku nos por duna e rekonosimentu aki na Argenis Huerta, pa su
dedikashon komo Dj, su pashon pa nos kultura i su amor pa loke ta trata Karnaval di korsou.
Pa Minister van Heydoorn, esaki no ta solamente un homenahe na Argenis Huerta komo e Baluarte di
Karnaval, pero e ta alabes un empuhe tambe pa e por sigui duna su aporte na karnaval i asina ta un
ehèmpel pa otro nan.
FDKK i AGKK ta uni nan mes na e palabra nan di Minister van Heydoorn i ta konvensí ku Argenis Huerta
den 2025 lo ta mas eksitoso i sigur nos ta hopi orguyoso ku su trayektoria durante tur e añanan ku su
persona a bin ta kontribuí na kresementu Di Karnaval di Korsou.
Na nòmber di henter e famia organisadó di Nos Karnaval pabien na Argenis Huerta i Huerta ta Sigui Toka
Felis Karnaval