Kontròlnan relashoná ku akshon ‘Fin di aña sin zanzaña’

KUERPO POLISIAL KÒRSOU
KOMUNIKADO DI PRENSA
15 desèmber 2024
Kontròlnan relashoná ku akshon ‘Fin di aña sin zanzaña’
523/2024
FIN DI AÑA SIN ZANZAÑA
Durante di último siman, e unidatnan ku ta forma parti di e akshon ‘Fin di aña sin zanzaña’,
a kontrolá tantu personanan komo vehíkulonan na diferente sitio rònt Kòrsou.
E kontròlnan aki tabata dirigí riba poseshon ilegal di arma i droga, pero tambe violashon di
lei di tráfiko.
Polis a parti diferente prosès verbal, pero tambe a kita vehíkulonan ku tabata mal stashoná
for di prinsipalmente áreanan di Pietermaai i Punda.
A tene kontròlnan preventivo tambe den áreanan na unda ta konosí ku tin aglomerashon di
persona, ponementu di ‘fever’ i otro aktividatnan ilegal.
Den próksimo dianan aki, e kontròlnan lo bai intensivá i ketu bai e apelashon na komunidat
ta wòrdu hasí, pa laga nos demostrá un bon komportashon pa nos tin un final i
kuminsamentu di aña sin nada di lamentá.
