Minister Charles Cooper Funshonarionan di Boneiru Directie Economie & Ijkwezen ta di bishita na Kòrsou.

Meta di e bishita di trabou aki ta pa informá nan mes di e projekto “Mi Potmoni” ku MEO a desaroya na Kòrsou.

Funshonarionan di MEO (sekshon Ondernemen y Inspekshon Ekonómiko) a duna splikashon tantu Teoretiko i tambr Praktiko di e sistema di PPA (Mi Potmoni).

E Funshonarionan di Bonaire a keda sumamente impreshona i satisfecho pa e ekspertisio ku nan a atkeri.

Tambe nan a gradisi Minister Cooper pa e oportunidat ku nan a hanja pa bishita MEO i tambe risibi hopi informashon balioso, ku siguramente nan por implementá na Bonaire.

Minister Cooper di su parti a indiká ku Kòrsou i Boneiru ta paisnan ruman i ku semper nos di Kòrsou lo sigui yuda nos rumanan den reino.

Nos tur por sinja for di otro.

Minister Cooper a deklara na e delegashon di Boneiru ku nan por konta ku su disponibilidat pa sigui kopera den futuro.

Foto ta ilustra na momentu ku e delegashon di Bonaire ta gradisi Minister Cooper.