Minister Charles Cooper 16 di desèmber 2024 komo minister di VVRP huntu ku e Servisio di Planifikashon Urbano (ROP) a otorgá ofishalmente un pèrmit di konstrukshon na Curacao Public Aquarium N.V. pa apartamentu di estadia largu den e área di Bapor Kibra.

Minister Charles Cooper
16 di desèmber 2024 komo minister di VVRP huntu ku e Servisio di Planifikashon Urbano (ROP) a otorgá ofishalmente un pèrmit di konstrukshon na Curacao Public Aquarium N.V. pa apartamentu di estadia largu den e área di Bapor Kibra.
Konstrukshon di e 20 apartamentunan di estadia largu ta repartí den 2 blòk di edifisio i lo ta di 4 piso. E kompleho aki lo ta akompaña di área di parker i tambe un asina yamá “hurricane shelter”, kaminda den kaso di orkan temporalmente lo por pone e dolfeinnan ku ta presente den e bahianan di Sea Aquarium i alabes e supmarinonan ku a ser stashoná na Sub Station Curacao. E konstrukshon aki ta situá na Bapor Kibra. Ta planeá pa konstrukshon di e kompleho terminá den 2026 i esaki ta konta ku un invershon di 3.5 mion florin.
E proyekto aki ta marká un kontribushon den nos ekonomia, dor di kreashon di trabou durante e fasenan di e konstrukshon.