Medidanan di tráfiko durante di kambio di aña

KUERPO POLISIAL KÒRSOU
KOMUNIKADO DI PRENSA
31 desèmber 2024
Medidanan di tráfiko durante di kambio di aña
542/2024
Relashoná ku kambio di aña i e tradishonal ‘Ban tende tiru den union’, e siguiente
medidanan a ser tumá pa garantisá òrdu públiko i tambe un bon desaroyo di tráfiko den i
rondó di e área ei.
1. Djamars 31 di desèmber 2024 for di 22.30’or te ku 01.30’ or di 1 yanüari 2025, ku
eksepshon di vehíkulonan ku ta duna asistensia, no ta pèrmití tráfiko motorisá ni
baiskel ni trafikashon di hende na pia riba brùg Juliana den ámbos direkshon;
2. Djamars 31 di desèmber 2024 for di 22.30’or te ku 1 di yanüari 2025 pa 01.30’or,
no ta pèrmití tráfiko motorisá riba e parti di Arubastraat for di e krusada ku
Hoogstraat den direkshon di brùg Juliana, ku eksepshon di vehíkulonan ku ta duna
asistensia;
3. Djamars 31 di desèmber 2024 for di 22.30’or te 1 di yanuari 2025 pa 01.30’or, no ta
pèrmití tráfiko motorisá riba e parti di Abraham Mendez Chumaceiro Boulevard den
direkshon di brùg Juliana, ku eksepshon di vehíkulonan di asistensia;
4. Djamars 31 di desèmber2024 for di 22.30’or te 1 di yanuari 2025 pa 01.30’ or, no ta
permiti tráfiko motorisá, riba e parti di Pater Euwensweg for di rótonde CMC
direkshon rótonde Ergilio P. Hato CMC, ku eksepshon di vehíkulonan di asistensia;
5. Djamars 31 di desèmber2024 for di 22.30’or te 1 di yanuari 2025 pa 01.30’or, no ta
pèrmití tráfiko motorisá, riba e parti di Pater Euwensweg for di rótonde ErgilioP.
Hasto direkshon rótonde CMC, ku eksepshon di vehíkulonan di asistensia;
6. Djamars 31 di desèmber2024 for di 22.30’or te 1 di yanuari 2025 pa 01.30 or, no ta
pèrmití tráfiko motorisá, riba e parti di Breedestraat Otrabanda despues di Terrace
Plaza direkshon viadùkt, ku eksepshon di vehíkulonan di asistensia.
Brùg Emma lo ta aksesibel durante di kambio di aña únikamente pa trafikashon na pia.
No ta pèrmití pa pone stul, banki ni otro opheto riba brùg ni tampoko no ta pèrmití pa hasi
alaparía riba brùg.
Tuma bon nota di lo siguiente:
Si bo vehíkulo ta mal stashoná den Otrabanda of den Punda, lo e wordu hiba kurá
ku un kran.
(Ku mal stashona ta wòrdu referí na stashona riba kaminda públiko, riba asera,
dilanti entrada of salida di kualke lugá, patras di otro vehíkulonan, etc.)
Na momentu ku bo vehíkulo wòrdu hiba kurá, bo por tuma esaki bèk dia 1 di yanüari
2025, entre 10:00 or pa 12:00 or di mainta.
Mester paga e suma di 150,00 florin pa e trabou di e kran i tambe 35,00 florin pa
kada dia ku bo vehíkulo permanesé den kurá.
E petishon ta bai na tur siudadano pa siguí tur instrukshon duná dor di outoridat mesora.
