Polis ta bai aktua severo kontra akshonnan ku ta perhudiká komunidat.

KOMUNIKADO DI PRENSA 516 / 2019
12 desèmber 2019
Polis ta bai aktua severo kontra akshonnan ku ta perhudiká komunidat.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Kuerpo Polisial a tuma nota ku durante di e manifestashon di e trahadónan di Refineria Isla
ku tabatin djaweps dia 12 di desèmber 2019, ku tabatin diferente manifestante ku durante
di e akshon tabatin nan karanan tapa.
Ademas di esei, nan a blòkia e entradanan, strobando akseso tantu na i for di e refineria.
Esaki a trese kuné ku tabatin menasa pa suministro di kombustibel na e diferente pòmpnan
di gasolin, pero tambe pa ku suministro di elektrisidat.
Polis tabata hopi determiná i tabata preparando pa kibra e bareranan aki, na momentu ku e
trahadónan mes a kanselá e akshon.
Polis ke manda un mensahe bon kla, ku tin komprenshon pa tur situashon unda kada
siudadano ta lucha pa su derecho.
Pero hamas i nunka esaki mester stroba ni òrdu públiko, ni tampoko nan akshon mester tin
komo konsekuensia ku otronan ku no tin nada di aber ku e lucha, mester bira víktima di un
manera òf otro di nan aktonan.
Kuerpo Polisial ke enfatisá ku den futuro lo no tolerá bou di ningun sirkunstansia e desòrdu
aki i lo konfrontá kualke situashon ku e intervenshon adekuá i nesesario pa en todo kaso
komunidat no mester ni hera di keda perhudiká.

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: