Minister Javier Silvania: Diabierne Gobiernu di Kòrsou ta paga bashi bonùs pa tur kobradó di penshun di behes (AOV) i penshun di viuda i huerfano (AWW) ku ta biba na Kòrsou ku tin un entrada te ku NAf. 1100, – pa luna.

Diabierne Gobiernu di Kòrsou ta paga bashi bonùs pa tur kobradó di penshun di behes (AOV) i penshun di viuda i huerfano (AWW) ku ta biba na Kòrsou ku tin un entrada te ku NAf. 1100, – pa luna. Tin algun punto di atenshon ku mester tene kuenta ku ne;

• E datosnan di personanan ku entrada te ku NAf. 1100,- pa luna a wòrdu generá for di e sistema di Inspectie der belasting i ta basá riba datosnan di aña 2023.

• For di e datos nan genera aki, tin 72 persona ku ta kobra AOV/AWW huntu ku nan penshun di APC, via di APC. E personanan aki lo kobra e bashi bonùs fin di yanüari 2025 ora APC paga.

• Tambe tin 267 persona ku ta interná den institutonan di AVBZ. Pa e personanan interná ku ta kobra AOV, konforme e lei di AVBZ, e AOV ta bai pa e instituto, i esaki na su turno ta paga e AOV na e kliente interná. Den e kaso akí, e bashi bonùs ta bai pa e instituto tambe i esaki mester paga e kliente interná. Kòrda monitoriá si e bashi bonùs a wòrdu paga na bo persona of na miembro di bo famia ku ta interná.

• E personanan interná den institutonan di AVBZ ku ta risibi penshun di AWW, lo wòrdu paga dor di SVB mes.

• Pa e 157 personanan ku ta kobra AOV i ta interná den un instituto via di ministerio SOAW, lo risibí e bashi bonùs via di Ministerio SOAW pa mas tarda e promé siman di febrüari 2025.

• Tambe mester tene kuenta ku e bashi bonùs akí ta konta den bo entrada total pa aña 2025, ku ta nifiká ku abo komo kobradó di AOV òf AWW lo por pasa e limite di NAf. 12.000, – pa aña. Konsekuentemente bo lo mester bai paga prima di BVZ. E punto aki tin atenshon di minister Silvania. Minister lo ekamina e proceso pa indexa e limite di NAf. 12.000,-. Mas informashon lo wordu anunsia despues.

• Si bo no a risibí e bashi bonùs, pero bo ta di opinion ku bo mester a risibí esaki, chèk promé si bo entrada pa luna den 2023 tabata te ku NAf. 1100, –

• Si esaki ta e kaso, i tòg bo no a risibí e bashi bonùs, por fabor yama 724-5300.

• Indiká na e representante di SOAW bo nòmber, ID, adrès di kas i tambe un e-mail adrès. Si bo ta interná den un instituto di kuido, indiká tambe na unda bo ta kedando.

• Lo bai verifiká na belastingdienst, via e inkomensverklaring di aña 2023, si ta kuadra ku bo entrada no tabata mas haltu ku NAf. 1100,- pa luna.

• Depende di e inkomensverklaring di aña 2023, lo informá bo bèk, kon e proseso aki lo sigui kana.

Pa mas informashon tokante bou di ki kondishon lo por risibí/pidi e inkomensverklaring, por fabor lesa e informashon riba e lenk akí: https://belastingdienst.cw/par…/themas/inkomensverklaring/