Ministerio di GMN: Klaridat riba e situashon di krusero Silver Ray

 

Ministerio di GMN: Klaridat riba e situashon di krusero Silver Ray

 

Willemstad – Ministerio di Gezondheid, Milieu, en Natuur (GMN) a tuma nota di un artíkulo resientemente publiká den  USA Today, ku ta pone atenshon na e krusero Silver Ray. E informashon aki ta bayendo viral riba sosial media.

 

Un investigashon  hasí pa Ministerio di GMN, den kooperashon ku autoridatnan maritimo, a konfirmá ku e barku Silver Ray no ta inkluí na e lista di krusero ku tin planifiká pa pasa Kòrsou. E dato akí ta eliminá kualke duda riba supuesto peliger.

 

Ministerio di GMN ta pone énfasis riba importansia di informashon korekto i ta rekordá un i tur ku no tin motibu pa pániko.

 

Nos ta den un époka kaminda informashon por bira virál hopi lihé i p’esei ta esenshal pa komunidat buska fuentenan ofishal pa sigurá ku nan ta haña data sigur i konfiabel.

 

Además, Ministerio di GMN ta sigi vigilá situashonnan internashonal ku por tin impakto riba Kòrsou i ta garantisá ku tur medidanan nesesario lo ser tumá den kaso di un desaroyo ku ta menasá bienestar di nos isla.

 

Ministerio di GMN ta gradisí komunidat pa nan konfiansa i ta sigui duna klaridat den situashonnan di importansha públiko.

 

Final di Komunikado