Vehíkulonan sin òf ku poko lus riba kaya

KUERPO POLISIAL KÒRSOU
KOMUNIKADO DI PRENSA
19 yanüari 2025
Vehíkulonan sin òf ku poko lus riba kaya
020/2025
Mas i mas polis ta tumando nota di vehíkulonan ku ta move riba kaya den oaranan di anochi
ku sea no tin lus, no tin lusnan adekuá òf no tin sufisiente iluminashon.
Ta trata aki di prinsipalmente e kategorianan baiskel, skuter i quad.
E echo ku e vehíkulonan aki no ta sufisiente iluminá, no ta difikultá solamente visibilidat di
esnan ku ta manehá nan, pero tambe otro usuarionan den tráfiko ku te na último momentu
mester hasi maniobranan, pa evitá un aksidente.
Polis lo sigui asumí su enkargo pa tantu di forma preventivo pa medio di duna informashon i
kontrolá, komo preventivo dor di tuma akshon, hasi usuarionan konsiente ku nan vehíkulo
mester kumpli ku eksigensianan stipulá den nos ordenansa di tráfiko 2000.
Pero kada siudadano ku ta partisipá den tráfiko tin e responsabilidat tambe di aportá na un
tráfiko mas sigur.
Ban redusí aksidentenan den tráfiko dor di apliká regla i lei ku tei pa protehá nos tur!
