Omar Gill ta puntra Staten: ”Kiko ta e motibunan ku te ainda Gobernashon no a krea un solushon despues ku a sera kuentanan di banko di nos riferonan?”

 

Omar Gill ta puntra Staten: ”Kiko ta e motibunan ku te ainda Gobernashon no a krea un
solushon despues ku a sera kuentanan di banko di nos riferonan?”

Willemstad- Na 2019 bankonan lokal a indiká di no por tin riferonan mas komo kliente debí
ku nan ta kore rísiko di pèrdè nan lisensia ku nan “correspondent bank”. Gobièrnu a primintí
e riferonan di bini ku un solushon pero te awe nada konkreto.
Den kuadro di esaki Omar Gill a manda un karta pa Parlamento puntrando: ”Kiko ta e
motibunan ku te ainda Gobernashon no a krea un solushon despues ku a sera kuentanan di
banko di nos riferonan?”
Ta konosí ke desishon dje bankonan a afektá e riferonan severamente. E desishon aki a pone
henter nan atministrashon, logístika di sèn i seguridat ariba abou. Pa no papia mes dje
gastunan èkstra pa mantené tòg e kompania den operashon. E restrikshon di tin un kuenta
di banko tambe a trese kuné ku un kantidat grandi di hende ku ta gana un pan direkto òf
indirekto via e sektor wega di number aki a ser afektá severamente. E restrikshon ta limitá e
trahadónan di por habri un kuenta na banko, yega un instituto pa sera un fiansa òf di por
kumpra i paga algu den kuota.
E silensio rondó dje problemátika aki a krea impreshon ku nos gobernashon no tin e sektor
aki na pechu. “Un sabor amargo” ta loke algun trahadónan a splika Omar Gill, ku e trato aki
a laga atras. Nos ta sinti ku nos sektor no ta forma parti dje ekonomia di Kòrsou, ta otro
opinion di esnan ku a aserka Omar Gill.
Omar Gill pa medio di su karta a pidi nos representantenan di Pueblo pa tuma na serio e
problemátika aki, kual Omar Gill a hasi algun pregunta na Parlamento pa trese klaridat i
transparensia pa e sektor i su trahadónan sa kiko ta status dje promesanan hasi.