PREPARASHONNAN TA KONTINUÁ PA NOS SELEKSHON FEMENINO U-17  SU KOMPROMISONAN DI E 2025 CONCACAF WOMEN’S UNDER-17 QUALIFIERS!

PREPARASHONNAN TA KONTINUÁ PA NOS SELEKSHON FEMENINO U-17  SU KOMPROMISONAN DI E 2025 CONCACAF WOMEN’S UNDER-17 QUALIFIERS!

NOS HUNGADÓNAN TA KONOSÍ!

 

 

Tiki tiki pero sigur e inisio di e 2025 Concacaf Women’s U-17 Qualifiers ta aserkando i e preparashonnan ta kontinuá pa nos selekshon nashonal femenino kategoria U-17 duna un bon presentashon durante e torneo aki. Mañan mèrdia nos selekshon lo sali rumbo pa Nicaragua pa nos 3 partidonan ku lo tuma lugá dia 27, 29 i 31 di yanüari 2025.

 

Nos selekshon tin algun luna ta praktiká i preparando pa saka kara di Kòrsou. E grupo di 21 hungadó ta wòrdu dirigí pa Gamal Douglas ku ta wòrdu asistí pa Joël Victoria i Pablo Alomá Mark komo entrenadó di portero. Marina de Miranda ta e masagista miéntras Jadira Laaf ta enkargá ku e materialnan di nos selekshon. E ‘team manager’ di nos selekshon ta Christine Davelaar i Dean Gorré, e direktor tékniko di FFK tambe ta biaha ku nos selekshon.

 

E siguiente hungadónan ta forma parti di nos selekshon;

 

1. Jazlynn Wouter (Centro Juve)
2. Shiloh Arndell (Centro Juve)
3. Khloe Maduro (selección Femenina de Fútbol Deportes Quindío, Colombia)
4. Jeandrelys Alexandre (Excellence School)
5. Rashima Martis (Centro Juve)
6. Mecayla Douglas (Inter Willemstad)
7. Destiny Koko (De Graafschap, Hulanda)
8. Jairvienis Martina (VcS, Hulanda)
9. Ruwenna Cristina(Jong Colombia)
10. Sienna van Rij (Oranje Wit, Hulanda)
11. Xiarleahmay Martis Nocento (Atletico Club Amsterdam, Hulanda)
12. Kingnaichely Provence (Jong Holland)
13. Charelda Valorian (Inter Willemstad)
14. Nora Damhuis (Inter Willemstad)
15. Nahla de Lanooi (Atletiko Saliña)
16. Elodie Berenos (Inter Willemstad)
17. Kaylin Sprok (Inter Willemstad)
18. Shudientely Francisca (Inter Willemstad)
19. Té’ssenny Kwidama (Jong Colombia)
20. Bella De Leça (Atletiko Saliña)
21. Vinaya Scheidelaar (Centro Juve)

 

 

FFK ta deseá nos damanan tur kos bon ku nan biahe di mañan i tin sigur ku nan lo sa di hasi un bon trabou durante e 2025 Concacaf Women’s U-17 Qualifiers aya na Nicaragua.

23 yanüari 2025