Minister Javier Silvania KOMUNIKADO DI PRENSA AK GLOBAL

Minister Javier Silvania
KOMUNIKADO DI PRENSA AK GLOBAL
Komo reakshon riba e notisia resiente tokante bankarota di AK Global, Minister di Finansa ke aklará lo siguiente:
Ta insinuá ku e Minister a duna informashon inkorekto tokante AK Global. Sin embargo, Minister di Finansa a splika anterioramente ku AK Global ta un eks sup-doño di lisensia ku tabata operá bou di e regimen bieu di lisensianan. Esaki ta nifiká ku e no tin ni a apliká pa un lisensia ku ta emití pa GCB. Esakinan ta e echonan. Minister no a duna komentario riba e pregunta si lo a deklará bankarota si òf nò.
Minister di Finansa no ta ekskluí e posibilidat ku kasonan similar lo por bolbe presentá serka eks sup-doñonan di lisensia. Durante e 30 añanan ku e leinan bieu aki tabata vigente, e doñonan mayó di lisensia di e tempu ei, no tabatin sufisiente supervishon riba e sektor aki. Durante 30 aña, gobièrnunan di turno a faya i no a logra regulá e sektor manera debe ser i tampoko a duna GCB e hèrmèntnan nesesario pa supervisá i tuma medida.
For di momentu ku e minister a asumí su funshon, el a traha aktivamente pa reformà e sektor di wega di azar online. E reformanan aki ta enfoká riba mehorá supervishon di e sektor i prevení insidentenan manera esun di AK Global.
Minister ta spera ku ku introdukshon di LOK i implementashon di kontrolnan mas estrikto, situashonnan manera esaki lo bira algu di pasado. Ta ku bista riba esaki mnister ta hasi un apelashon pa stòp propaganda di negativismo
