Reunion Públiko enkuanto e situashon na kompania di seguro ENNIA.

Djaluna 16 di òktober 2023, Miembronan di Parlamento a bin huntu den un Reunion Públiko pa deliberá ku Minister Presidente i Minister di Finansa (remplasante) enkuanto sitauashon na kompania di seguro ENNIA.

Na komienso di e reunion, Parlamento a bai di akuerdo ku un punto di òrdu pa duna miembronan di Parlamento e oportunidat pa pasa den e dokumentonan (inzage) relashoná ku ENNIA. Despues ku Presidente di Parlamento sra. Charetti America-Francisca, a skòrs e reunion pa algun ora pa miembronan por tuma nota di varios dokumento ku Gobiernu a pone na disposishon di Parlamento, Parlamentarionan a haña e oportunidat di hasi pregunta den e promé tanda. Gobiernu a pidi tempu pa prepará i bin kontestá na otro okashon.