BREAKING NEWS Minister ta hasi todo por todo pa kuido spesialisá di wowo di kalidat na Kòrsou / BREAKING NEWS Minister zet alles op alles voor kwalitatieve oogheelkundige zorg op Curaçao

 

 

BREAKING NEWS
Minister ta hasi todo por todo pa kuido spesialisá di wowo di kalidat na Kòrsou

E skarsedat di spesialistanan di wowo (oftalmologia) na Kòrsou a kousa tempunan di espera
largu i akseso limitá na kuido krusial, esaki tin un impakto direkto riba kalidat di bida di nos
siudadanonan. Apesar ku buskamentu di spesialistanan no ta forma parti formalmente di su
responsabilidatnan, minister Javier Silvania, pa motibu di su preokupashon sinsero i
envolvimentu, a tuma pasonan eksepshonal pa atendé e krísis di kuido aki.
No solamente e minister a kontribuí finansieramente na mehorashonnan importante, pero
tambe el a envolví su mes aktivamente pa yega na solushonnan struktural ku ta enfoká pa hasi
kuido spesialisá di wowo mas aksesibel i di mihó kalidat na Kòrsou.
Resúmen históriko
• Yüni 2023: E Ministerio di Salubridat Públiko, Medio Ambiente i Naturalesa a duna Hospital
Advent un adelanto di likides di 13,24 mion florin pa trata un défisit finansiero agudo. E adelanto
aki a ser otorgá bou di kondishonnan estrikto, inkluyendo invershon den ekiponan médiko
esensial manera un aparato di mamografia, un CT-scan i aparatonan oftalmológiko. E meta
tabata pa garantisá kontinuidat di kuido i fortifiká kapasidat di Hospital Advent komo un
proveedor krusial di kuido na Kòrsou.
• Sèptèmber 2023: Minister Javier Silvania a tuma pasonan mas aleu pa fortifiká e posishon di
Hospital Advent. El a otorgá disposishonnan ministerial nobo, eliminando opstákulonan di
pasado i dunando e hospital espasio pa operá komo un institushon di kuido kompletu. Ademas,
e minister a regla pèrmitnan di trabou pa por a hasi uso di kuater oftalmólogo altamente
kualifiká for di México. A hasi uso di e spesialistanan aki pa atendé e listanan di espera largu ku
tabatin pa tratamentunan spesialisá i operashonnan di wowo, loke a resultá den un alivio
signifikativo di e preshon riba kuido.
• Novèmber 2023 – Yanüari 2024: Ministerio i Hospital Advent a mira un oumento adishonal den
e demanda pa tratamentunan spesialisá di wowo, tantu kirúrgiko komo no kirúrgiko. E klínika a
ekspandé su aktividatnan pa satisfasé e nesesidat di kuido kresiente di e komunidat. Esaki a
konfirmá e importansia di e invershonnan i esfuersonan hasí pa e ministerio, pa mehorá e
kalidat di kuido. E klinika oftalmológiko di Hospital Advent a raportá progreso signifikante. Danki
na e esfuerso di e oftalmólogonan Méhikano, sentenares di pashènt por a ser atendé. Den tres
luna, kasi 1.000 tratamentunan oftalmológiko a ser hasí, inkluyendo operashonnan di katarata,
ku a redusí e tempu di espera signifikativamente. E éksito aki tabata un resultado direkto di e
kolaborashon stratégiko entre e Ministerio, e Inspektor di Salú Públiko i Hospital Advent.
• Durante 2024: Apesar di e progreso lográ, Hospital Advent inesperadamente a terminá e
kolaborashon ku e oftalmólogonan Méhikano, sin informá e minister. Esaki a kousa atrobe
oumento den tempu di espera i un kalidat di kuido redusí. E minister a pidi klarifikashon varios
biaha, pero no a risibí un kontesta satisfaktorio.
Situashon aktual
Hospital Advent a pidi pa sosten finansiero atrobe. Sin embargo, Minister Silvania a aklará ku
mas apoyo ta ser otorgá solamente si e hospital ta komprometé na kumpli ku palabrashonnan
hasí anterior, inkluyendo renobashon di kolaborashon ku e oftalmólogonan Méhikano. E
ministerio ta pone interesnan di e pueblo na promé lugá i ta enfatisá ku kuido di kalidat i
kumplimentu ku akuerdonan no ta negoshabel.
Intervenshonan i kolaborashon internashonal
Tambe e minister a hasi esfuerso pa prevení salida di un spesialista di wowo for di Colombia.
Huntu ku e Inspektor di Salú Públiko, a tene varios diskushon di intervenshon. Sin embargo,
Hospital Advent a nenga pa paga e honorario, ku tabata konsiderablemente bou di e norma
legal di e ‘Landsverordening Normering Topinkomen’. Tampoko Hospital Advent no a sigui
atendé un posibel solushon via e areglo di ex-patriate, manera proponé dor di Servisio di
Impuesto. E tipo di insidentenan aki ta daña reputashon di Kòrsou i por kompliká futuro
kolaborashonnan ku spesialistanan internashonal.
Solushonnan struktural
Pa aliviá e preshon riba e kuido oftalmológiko i garantisá kontinuidat, e minister a otorgá na
desèmber 2024, un pèrmit na Curaçao International Clinic (CIC) pa amplia nan servisionan di
kuido ku oftalmologia. E desishon aki ta oumentá e kapasidat di kuido a largo plaso i garantisá
akseso na tratamentunan di alta kalidat pa tur pashènt. CIC ya ta okupá ku preparashonnan i ta
spera di ta operashonal denter di algun luna.
Yamada pa asumí responsabilidat
Minister Silvania ta hasi un yamada na tur stakeholder envolví pa asumí nan responsabilidat. Di
akuerdo ku minister: “Pueblo di Kòrsou no meresé nada ménos ku e mihó kuido; ta trata di
kalidat di bida di nos hendenan. Huntu nos por solushoná e problema aki, pero solamente si tur
hende kumpli ku nan palabrashonnan.”
Ku e palabranan aki, e minister ta enfatisá ku e ta sigui komprometé pa yega na solushonnan
duradero, ku solamente un meta na bista: un mihó futuro pa kuido na Kòrsou.

 

---

 

BREAKING NEWS
Minister zet alles op alles voor kwalitatieve oogheelkundige zorg op Curaçao

Het tekort aan oogheelkundige specialisten op Curaçao heeft geleid tot lange wachttijden en
beperkte toegang tot cruciale zorg, met een directe impact op de levenskwaliteit van onze
burgers. Hoewel het aantrekken van specialisten niet formeel tot de verantwoordelijkheden van
de minister behoort, heeft minister Javier Silvania uit oprechte bezorgdheid en betrokkenheid
uitzonderlijke stappen ondernomen om deze zorgcrisis aan te pakken.
De minister heeft niet alleen financieel bijgedragen aan belangrijke verbeteringen, maar zich
ook actief ingezet voor structurele oplossingen die gericht zijn op het toegankelijker en
kwalitatiever maken van de oogheelkundige zorg op Curaçao.
Historisch overzicht
• Juni 2023: Het ministerie van Gezondheid, Milieu & Natuur verstrekte het Advent Ziekenhuis
een liquiditeitsvoorschot van NAf 13,24 miljoen om een acuut financieel tekort aan te pakken.
Dit voorschot werd verleend onder strikte voorwaarden, waaronder het investeren in essentiële
medische apparatuur zoals een mammografie-apparaat, een CT-scan en oogheelkundige
apparaten. Het doel was om de zorgcontinuïteit te waarborgen en de capaciteit van het Advent
Ziekenhuis te versterken als een cruciale zorgverlener op Curaçao.
• September 2023: Minister Javier Silvania ondernam verdere stappen om de positie van het
Advent Ziekenhuis te versterken. Hij verleende nieuwe ministeriële beschikkingen, waarmee
belemmeringen uit het verleden werden weggenomen en het ziekenhuis de ruimte kreeg om als
volwaardige zorginstelling te opereren. Daarnaast regelde de minister vergunningen voor de
inzet van vier hooggekwalificeerde oogartsen uit Mexico. Deze specialisten werden ingezet om
de lange wachtrijen voor oogheelkundige behandelingen en operaties aan te pakken, wat leidde
tot een aanzienlijke verlichting van de druk op de zorg.
• November 2023 – Januari 2024: Het ministerie en het Advent Ziekenhuis zagen een verdere
toename in de vraag naar oogheelkundige behandelingen, zowel chirurgisch als
niet-chirurgisch. De kliniek breidde haar activiteiten uit om te voldoen aan de groeiende
zorgbehoefte van de gemeenschap. Dit bevestigde het belang van de investeringen en
inspanningen die door het ministerie waren geleverd om de zorgkwaliteit te verbeteren. De
oogheelkundige kliniek van het Advent Ziekenhuis rapporteerde aanzienlijke vooruitgang.
Dankzij de inzet van de Mexicaanse oogartsen konden honderden patiënten geholpen worden.
In drie maanden tijd zijn bijna 1.000 oogheelkundige behandelingen uitgevoerd, waaronder
cataractoperaties, waardoor de wachttijden aanzienlijk zijn verkort. Dit succes was een direct
resultaat van de strategische samenwerking tussen het ministerie, de Inspecteur van
Volksgezondheid en het Advent Ziekenhuis.
• In de loop van 2024: Ondanks de geboekte vooruitgang beëindigde het Advent Ziekenhuis
onverwacht de samenwerking met de Mexicaanse oogartsen, zonder de minister hierover te
informeren. Dit leidde opnieuw tot oplopende wachttijden en een verminderde zorgkwaliteit. De
minister heeft meerdere malen om opheldering gevraagd, maar heeft geen bevredigend
antwoord ontvangen.
De huidige situatie
Het Advent Ziekenhuis heeft opnieuw om financiële ondersteuning gevraagd. Minister Silvania
heeft echter duidelijk gemaakt dat verdere steun uitsluitend wordt verleend als het ziekenhuis
zich committeert aan het nakomen van eerdere afspraken, waaronder het hernieuwen van de
samenwerking met de Mexicaanse oogartsen. Het ministerie stelt de belangen van de bevolking
voorop en benadrukt dat kwalitatieve zorg en naleving van afspraken niet onderhandelbaar zijn.
Interventies en internationale samenwerking
De minister heeft zich tevens ingespannen om het vertrek van een oogspecialist uit Colombia te
voorkomen. Samen met de Inspecteur van Volksgezondheid werden diverse
interventiebesprekingen gevoerd. Het Advent Ziekenhuis weigerde echter het honorarium te
betalen, dat aanzienlijk lager lag dan de wettelijke norm van de Landsverordening Normering
Topinkomen. Ook een mogelijke oplossing via de ex-patriate regeling, zoals voorgesteld door de
belastingdienst, werd niet verder opgepakt door het Advent Ziekenhuis. Dit soort voorvallen
schaden de reputatie van Curaçao en kunnen toekomstige samenwerkingen met internationale
specialisten bemoeilijken.
Structurele oplossingen
Om de druk op de oogheelkundige zorg te verlichten en de continuïteit te waarborgen, heeft de
minister in december 2024 een vergunning verleend aan de Curaçao International Clinic (CIC)
om hun zorgaanbod uit te breiden met oogheelkunde. Dit besluit vergroot de zorgcapaciteit op
de lange termijn en garandeert toegang tot hoogwaardige behandelingen voor alle patiënten.
CIC is inmiddels volop bezig met de voorbereidingen en verwacht binnen enkele maanden
operationeel te zijn.
Oproep tot verantwoordelijkheid
Minister Silvania roept alle betrokkenen op om hun verantwoordelijkheid te nemen. Hij stelt: “De
bevolking van Curaçao verdient niets minder dan de beste zorg; het gaat om de levenskwaliteit
van onze mensen. Samen kunnen we dit probleem oplossen, maar alleen als iedereen zijn
afspraken nakomt.”
Met deze woorden benadrukt de minister dat hij zich blijft inzetten voor duurzame oplossingen,
met slechts één doel voor ogen: een betere toekomst voor de zorg op Curaçao.