QMQ Organization ta kla pa presenta; Miss Teenage Press Curaçao 2024/2025
QMQ Organization ta kla pa presenta; Miss Teenage Press Curaçao 2024/2025
Willemstad – E 8 partisipantenan ta kla pa kompetí den e promé kompetensha ofisial di e sertamen di momemtu ku ta Miss Teenage Press Curaçao 2024/2025 .
E hóben beyesa nan tin algun siman ku nan ta den ful preparashon pa sertamen di Miss Teenage Press Curaçao 2024/2025.
Parti di e preparashonnan ku e hóben beyesa nan a risibí ta charlanan edukashonal, pero tambe nan a haňa oportunidat di bishitá e empresa Extra. Aki nan a haña splikashon kiko ta nifiká periodismo, e importansha di periodismo. Ruseño Sambo a kompartí su eksperiensha trahando na Extra
.
Otro charla ku e hóben beyesa nan a risibí ta, Public Speaking. Aki Ayanette Haard Statia di un forma úniko a duna tur e partisipantenan ehèmpel nan i guia nan pa nan por papia sin miedu dilanti públiko. E charla nan aki siguir ta duna e partisipante nan konfiansa pa por subi esenario i hiba un mensahe na nòmber di hóbennan di Kòrsou.
Djasabra awor 8 di febrüari pa 19.30 e partisipante nan lo pone den praktiká tur loke nan a siňa te ku awor den e elekshon di Miss Teenage Press Curaçao 2024/2025. WTC sala di Ouditorio lo ta e kas ofishial pe temporada di Miss Teenage Curaçao 2024/2025
WTC lo habri su porta nan pa duna nos partispante nan e oportunidat di trese nan mensahe pa nos hóbennan.
Durante e anochi aki, tur partisipante lo tin tres presentashon ofishial.
Den e promé presentashon, e 8 beyesa nan lo subi esenario, introdusí nan mes i bisa nan slogan.
Den e di dos presentashon, e beyesa nan lo subi esenario pa por skohe nan number ofisial for di un bowl
Den e di tres i último presentashon, e beyesa nan lo hiba nan mensahe dirigí na pueblo di Kòrsou, nos hóbennan i na e miembro nan di e kuerpo di hurado.
Premio nan ku lo keda otorgá e anochi aki ta: Miss Teenage Press Curaçao Most Dynamic, Miss Teenage Press Curaçao Most Spontaneous, Miss Teenage Press Curaçao Best Slogan, di dos finalista, promé finalista i Miss Teenage Press Curaçao 2024/2025
Un biaha mas QMQ Organization a produsí un bunita show pa tur fanatiko presenté por disfrutá i sostené nan partisipante faborito. Animashon lo ta den man di Dany Balentien.
Si ahinda bo no a kumpra bo karchi pa sostené e hóbenan posítivo aki, tuma kontakto ku bo partisipante faborito.
