‘Update’ selekshon nashonal maskulino U-17

 

 

Update’ U-17 maskulino;

Nos selekshon nashonal a logra su promé viktoria, ganado ku skor di 6 pa 1 kontra Bermuda durante nos promé partido di e 2025 Concacaf U-17 Qualifiers. E golnan di nos selekshon a keda anotá pa D’shawn Anastacia na 17 minüt, Dayvi Busby na 47 i 62 minüt i Taysison Bregita na 90+ minüt. Tambe Bermuda a anotá 2 outogol na 8 i 88 minüt.

Awor nos lo sigui prepará pa nos segundo enkuentro kontra Turks & Caicos Islands di dia 11 di febrüari 2025, pa 3’or di atardi.

Riba e promé potrèt nos por mira nos 3 goliadónan; Dayvi Busby (9), D’shawn Anastacia (19) i Taysison Bregita (16). Huntu ku nos 2 hungadónan ku tabata e kousante di e 2 outo golnan; Jerremy Ortela (7) i Jaydion Polonius (19).

Pabien pa nos selekshon i ban pa mas viktoria!