Kaso di tiramentu ku morto

 

KUERPO POLISIAL KÒRSOU

KOMUNIKADO DI PRENSA 053/2025

10 febrüari 2025

Kaso di tiramentu ku morto

Djaluna 10 di febrüari 2025 alrededor di 14.30’or, Sentral di Polis a risibí informashon di un di tiramentu ku a tuma lugá den Kaya Ser’í Popchi.

Na yegada di e unidat polisial, el a topa ku un hòmber sintá den un vehíkulo ku diferente perforashon di bala na su kurpa i no tabata duna señal di bida.

For di investigashon preliminar a sali na kla ku un vehíkulo a pasa i un hòmber ku kara tapá a baha for di e vehíkulo i lòs algun tirunan dirigí riba e víktima.

E hòmber keda alkansá pa tiro na e parti ariba di su kurpa.

Despues di su akto e sospechoso a hui for di e sitio.

Personal di ambulans a yega rápido na e sitio pero no por a hasi nada mas pa e víktima.

Dòkter di Polis a konstatá morto di e hòmber, Julien Jundrick Lucas, nasé dia 24 di òktober 2004 na Kòrsou.

Riba òrdu di fiskal di Ministerio Públiko a konfiská e kurpa pa mas investigashon.

Investigashon den e kaso aki ta kontinuá.