Federashon Aquatiko Kòrsou a organisá un clinic pa coach i wes di natashon artístiko
Federashon Aquatiko Kòrsou a organisá un clinic pa coach i wes di natashon artístiko den wikènt ku ta tras di lomba, ku a sirbí pa nos coach lokal, hùis i atleta di 13 aña i mas.
E clinic a wordu duna pa señora Carmen Dompeling, eks-kampeon di natashon artístiko di Hulanda i awor aki coach, huntu ku señora Rynske Keur, ku tambe ta eks-kampeon di Hulanda i ta un coach i hùis internashonal. Señora Keur tabata un di e wesnan durante e último Olimpiada na París.
Nos coach i atleta nan a sali di e clinic ku hopi konosementu nobo i punto di mihora pa sigui desaroyá i hasié natashon artístiko bira un deporte fuerte riba nivel regional i internashonal.
Awor e enfoke lo ta riba preparashon pa e proximo evento: Mildred Clara Artistic Swimming Invitational, ku lo tuma luga 7, 8 i 9 di mart 2025.
Pa más informashon, sigui nos riba Instagram i Facebook: Curacao Aquatic Association.
