Ún futuro eleva pabo, pueblo Gobernashon ku ta sirbi abo ku trabòu i oportunidat enfoké ku karakter di urgensia pa akshon
Ún futuro eleva pabo, pueblo
Gobernashon ku ta sirbi abo ku trabòu i oportunidat
enfoké ku karakter di urgensia pa akshon
Lider di Kampaña Sekretaria i Kolaborado di Trabou Pa Kòrsou, sra. Abigaïl Mahalja Boelijn, ta dirigí palabranan di fortifikashon, balentia, i ke mira kada siudadano luchá pa su derecho. E 4 aña di sakrifisio i investigashon ku Trabou pa Kòrsou a demostrá di a hasi pa konsientisá abo, pueblo, ku ta nos ta e solushon konkréto pa ún futuro sigurá, pa saka famia nan for di pobresa, i eleva bida na Kòrsou.
E lucha nan di lastu aña nan aki después di e desmantelashon di “lockdown” ta real, i nos di Trabou pa Kòrsou a sinti’e huntu ku bo, pueblo. Ku ún man den e otro, nos ke presentá bo nos plan pa futuro. Pa nos por trahá, kreá oportunidat,
i pa bai dilanti ku orguyo di ta siudadanonan di nos país, Kòrsou. Nos tur sa e sintimentu nan horibel ku nos kasnan di famia ta sinti ora risibí kuentanan haltu di utilidatnan i nos no sa kon tin ku kubri e gastunan ei, ni di kuminda pa nos kas. Esakinan no por siguí asina’ki mas! Tur hende ke ún kambio, i hopi ta primintí bo esaki pero bo a mira e kambio realmente wòrdu alkansá, pueblo?
Trabou pa Kòrsou a bin ta demostrá bo ku echos i sifranan di investigashon nan hasí pa organisashonan ekonómiko di nos país Kòrsou, ku e solushonnan t’ei. Mester tin kurashi pa ehekuté. Nos no ta duna bo promesa falsu, Trabou Pa Kòrsou sa ku awor ta ora pa duna atenshon i akshon pa solushonnan orgániko. Nos pueblo ta sufri bòu di pobresa, desempleo i kondishonan di bida skandaloso, i nos hendenan mas vulnerabel ta sufriendo òf no ta haña e atenshon ku nan meresé. Pa tres’é e kambio ku bo ta spera, pueblo, ta nesesario pa gobièrnu i komunidat trahá huntu i implementá e plannan nesesario pa hasi progreso di largu plaso.
Trabou pa Kòrsou su solushonnan konkréto ta:
mester di enseñansa di kalidat, empleo i ún sistema di salubridat i bienestar ku ta garantisá ku niun hende no ta keda atras. Lus nan LED ku ta spar mas energia den bo kas i bo ta sobra e sèn ei den bo potmoni, méter di awa inteligente pa bo no kai mas den debe. Hendenan di bida sosial eleva no tin ku paga e “receptregel” na botika mas, akseso na transporte públiko reglá, akseso na kuido i guia pa muchanan di 0-4 aña pa asina e mayor por siguí kurso nan pa prepará pa e trabòu nan di futuro, guia pa monitoria bo finansiamentu den kas, kuminda tur dia den kas di famia. Ayo hamber, muchanan no ta bai skol ku hamber mas.
Enfoká riba akshon konkréto. E plan 1100 pa bo bida eleva ta enserá; ku mester kreá trabòu pa hubentud ku enseñansa di kalidat, programa nan di empresario i formashon profeshonal ku ta esensial pa intrená hendenan den e merkado laboral. Trabou Pa Kòrsou tin e fortalesa pa e sistema di siguridat sosial, solushon konkréto ku ta sostené e famianan mas vulnerabel i por yuda famianan logra nivel nan di kalidat di bida ku no ta dependé di penshon chikitu o ayudo temporal so. Trabou Pa Kòrsou tin e método pa bini ku mas trabòu pa komunidat di Banda Bòu, ku enfoke riba komberti shushi den energia pa asina hende por lanta for di pobresa i bai trahá pa ún entrada mas mihó pa sòru pa su famia. Trabou pa Kòrsou tin pakete di trabòu nan di futuro. Sr. Symor lo amplia riba esaki después.
Tim di kòntrol kontra abuso laboral. Pon’é ún sistema pa protehá derecho di trahadó nan. Esaki mester ta ún proseso kaminda gobièrnu i komunidat ta trahá huntu pa atendé e problemanan sosial. Polítika mester enfoká riba akshon pa kambio real pa komunidat sinti nan protehá i ku konfiansa pa futuro. Trabou pa Kòrsou ta bo solushon.
Trabou Pa Kòrsou TPK, Señora Abigaïl Mahalja Boelijn