KUERPO POLISIAL KÒRSOU

KOMUNIKADO DI PRENSA

16 febrüari 2025

Dos persona ilegal detené

062/2025

Djasabra 15 di febrüari 2025 alrededor di 15.43’or, Sentral di polis a dirigí un unidat pa
Coronet pa un hòmber ku a keda maltratá i ku tabatin un kap profundo na su kabes.
Na yegada di e unidat, el a topa personal di ambulans kaba ku tabata atendiendo ku e
víktima.
Na momentu ku e hòmber aki a mira polis, el a sali na kareda, ya ku e tabata permanesé
ilegal riba nos isla.
Polis a buska den besindario i despues a bin topa ku e hòmber. A pidi ambulans pa yega na
e sitio i di einan a transport’é pa Sala di Emergensia di C.M.C. pa asistensia médiko avansá.
Na e mesun sitio unda a enkontrá e hòmber despues ku el a kore bai, a bin topa ku su
pareha ku tambe ta ilegal.
A entregá tantu e dama komo e hòmber despues di intervenshon médiko na personal di
Imigrashon, ku a sera nan pendiente di nan deportashon for di nos isla.