KUERPO POLISIAL KÒRSOU

KOMUNIKADO DI PRENSA

16 febrüari 2025

Dos detenshon pa violashon di lei di arma di kandela

063/2025

Djasabra 15 di febrüari 2025 alrededor di 23.20’or, un unidat di U.S.T. a para un vehíkulo
riba F.D. Rooseveltweg, ya ku okupantenan di e outo di famia aki tabata aktua di forma
sospechoso.
Un di e okupantenan aki a baha for di e outo i kore bai.
Durante di kontròl den e vehíkulo, polis a topa un pistol ku a keda konfiská.
Mesora a detené e hòmber V.V.R. di 20 aña di edat nasé na Kòrsou pa violashon di lei di
arma di kandela.
Kontinuando ku e investigashon, djis un ratu despues, polis a detené e otro hòmber ku
tabata okupante di e outo, e sospechoso J.L.R. di 16 aña di edat nasé na Kòrsou riba
Schonegevelstraat.
A presentá ámbos sospechoso dilanti di un fiskal ouksliar ku a ordená nan enkarselamentu
pendiente di mas investigashon.