KUERPO POLISIAL KÒRSOU 

 

KOMUNIKADO DI PRENSA

391/2026

4 novèmber 2026 

Kaso di bringamentu 

Djamars 3 di novèmber 2026 alrededor di 21.02’or, Sentral di Polis a dirigí  un unidat pa Artillerieweg pa un kaso serio di kapmentu i hinkamentu. Na yegada di e unidat, el a topa dos hòmber tur na sanger i ku un herida  grave na altura di nan pechu, man i kabes, ku tabata sangrando. 

Mesora a pidi presensia di ambulans, pa transportá e víktimanan ku  urgensia pa Sala di Emergensia di C.M.C., ya ku nan situashon tabata  mustra krítiko. 

Di testigunan na e sitio polis a komprondé ku e víktimanan tabatin un  interkambio di palabra siguí pa un bringamentu. 

Ambos tabata den poseshon di kuchú i macheté i a hasi uso di esakinan durante di e bringamentu, heridando otro. 

Investigashon den e kaso ta kontinuá.