KUERPO POLISIAL KÒRSOU 

KOMUNIKADO DI PRENSA

390/2026

4 novèmber 2026 

Kaso di tiramentu ku herido 

Djamars 3 di novèmber 2026 alrededor di 22.23’or, Sentral di Polis a risibí diferente yamada ku tin un kaso di tiramentu den Kaya Meteorologiko. 

Mesora Sentral di Polis a dirigí un unidat polisial i ambulans pa e sitio. Na yegada di e unidat, el a topa un víktima maskulino, drumí abou den un  plas di sanger ku herida di bala na entre otro parti abou di su kurpa. A transportá e víktima pa Sala di Emergensia di C.M.C. pa risibí tratamentu  médiko. 

Segun investigashon ku polis a hasi na e sitio, a sali na kla ku dos hòmber  den un vehíkulo a pasa i lòs tirunan dirigí riba e víktima, pa despues hui bai  for di e sitio. 

Na e sitio a konfiská diferente kashi di bala. 

Personal di reshèrshi ta enkargá ku e investigashon.