KUERPO POLISIAL KÒRSOU 

KOMUNIKADO DI PRENSA

389/2026

4 novèmber 2026 

Kaso di atrako 

Djamars 3 di novèmber 2026 alrededor di 21.06’or, Sentral di Polis a risibí  informashon ku tabatin un kaso di atrako na un restorant di ‘fastfood’ riba  Dr. Maalweg. 

Mesora a dirigí unidatnan na e sitio. 

Na yegada di e promé unidat, el a komprondé ku algun ratu promé dos hòmber kompletamente na pretu bistí ku kara tapá, a kaba di kometé un  atrako riba e restorant. 

E dos hòmbernan aki a sorprendé un trahadó na bentana nèt na momentu  ku e tabata kobra un kliente, ku intenshon probablemente pa tira atrako. E dos atrakadónan tabata den poseshon di un arma di kandela. 

Nan a menasá e trahadó i a bai ku e kaha di plaka ku un kantidat di plaka  kèsh. 

Despues di nan akto e sospechosonan a bati retirada.  

Investigashon den e kaso aki ta kontinuá.