Rekordatorio: Preparashon pa Elekshon di komishon di bùs chikí i media, taksi, i ‘toerwagen’
Gobièrnu di Kòrsou
Rekordatorio: Preparashon pa Elekshon di komishon di bùs chikí i media, taksi, i ‘toerwagen’
Publiká riba 04 Novèmber 2026
Willemstad – Servisio pa Tráfiko i Transporte (UOVV) huntu ku Servisio pa Asuntunan Públiko ta rekordá tur persona interesá pa postulá nan mes komo kandidato pa representá sektornan den transporte públiko.
Ta trata di representashon pa:
– Bùs Chikí i Mediano
– Taksi
– ‘Toerwagen’
Tuma formulario na tempu:
Tur persona ku tin intenshon di postulá nan mes mester tuma e formulario di kandidatura na tempu.
E formulario pa entregá kandidatura por ser tumá gratuitamente na Asuntunan Públiko (Kranshi) entre 8 or i 3 or. No warda te último momentu, pasobra kada kandidato mester tin sufisiente tempu pa rekoudá firmanan di sosten nesesario i kompletá su kandidatura.
Segun e rekisitonan indiká den e anunsio di elekshon, kada kandidato mester tin sosten di:
Bùs Chikí i Mediano:
– 25 otro doño di bùs ku pèrmit;
Taksi:
– 10 otro doño di taksi ku pèrmit;
Toerwagen:
– 3 otro doño di ‘toerwagen’ku pèrmit.
Tene kuenta ku tur pèrmit mester ta bálido.
Ademas, e kandidato mester firma pa konfirmá ku e ta aseptá su kandidatura i entregá su kandidatura huntu ku un pasfoto.