Polis ku enkuentro di futbòl amistoso ku hóbennan di bario.

KOMUNIKADO DI PRENSA 184/2022
7 di aprel 2022
Polis ku enkuentro di futbòl amistoso ku hóbennan di bario.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djasabra dia 9 di aprel próksimo, Kuerpo Polisial lo bai tin un enkuentro di futbol amistoso
ku hóbennan di e área di p’ariba, esta Montaña i besindario.
Esaki ta den kuadro di un proyekto di e Tim di Prevenshon di e Departamentu di
Komunikashon i Prevenshon di polis.
Huntu ku polisnan di bario a skohe algun grupo di futbòl di banda’riba pa asina ei bai hunga
bala ku nan.
Idea di e enkuentro aki ta, pa medio di deporte aserká e hóbennan aki pa asina por dialogá
ku nan riba temanan interesante ku tin di haber ku entre otro kriminalidat i su
konsekuensianan.
No ta un sekreto públiko ku mas i mas hóbennan di edat relativamente abou ta kai den gara
di hustisia.
I ku e proyekto aki, Kuerpo Polisial ke duna un man na skapa e hóbennan aki,
konsientisando nan i manteniendo nan riba e bon kaminda.
Ta e intenshon ku despues di e enkuentro, e hóbennan aki ta keda risibi guia i wòrdu
monitoriá dor di instansianan manera A.J.J.C.
Naturalmente ku e inisiativa aki, polis ke mustra su otro kara ku ta esun sosial kaminda pa
medio di deporte lo tin kontakto i por interkambia ku nos hóbennan.
E enkuentro lo ta di 9’or di mainta pa aproksimadamente 2’or di merdia na Sentro di Bario
Montaña.