18 di febrüari 2025

Fundashon Pro Souax ku CHARLA:
SARKOPENIA (pèrdida agudo di masa i
forsa muskular) i NUTRISHON ADAPTÁ.

Fundashon Pro Souax i Sentro di bario Souax, ta informá habitantenan di Souax, Gato, Zegu i bisindario i demas interesado ku djamars próksimo 18 di febrüari lo tin pa loke ta 2025 e promé charla di e siklo di charla ” ALIMENTASHON RESPONSABEL”.
E siklo di charla tin komo meta pa duna informashon i di e forma aki konsientisá habitantenan di Souax i bisindario i tambe otro interesadonan, kon alimentá nan mes di un forma balansá, sano i responsabel.

E luna aki DIETISTA SRA. SIEGMARA CAROLINA lo trata e tópiko:”SARKOPENIA (pèrdida agudo di masa i forsa muskular) i NUTRISHON ADAPTÁ”.

Durante di e charla e dietista lo duna informashon i konseho kon adaptá bo nutrishon den kaso di pèrdida agudo di masa i forsa muskular.

Entrada ta grátis i lo tin amplio oportunidat pa hasi pregunta. Un i tur ta keda kòrdialmente invitá pa bin skucha informashonnan interesante riba e tópiko aki.

Charla ALIMENTASHON RESPONSABEL Tópiko   : SARKOPENIA (pèrdida agudo di masa i forsa muskular) i NUTRISHON ADAPTÁ.. Oradó   : DIETISTA Sra. Siegmara Carolina Dia        : Djamars 18 di FEBRÜARI 2025 Ora        : Shet’or pa mitar di nuebe di anochi  (19.00 – 20.30) Lugá      : Sentro di bario Souax                            Entrada  : GRATIS