KOMUNIKADO DI PRENSA 072/2025

24 febrüari 2025

Detenshon pa sekuestro i trafikashon di hende

Departamentu di Komunikashon i Prevenshon

KUERPO POLISIAL KÒRSOU

SIRBI I PROTEHÁ
Djaluna 24 di febrüari 2025, e Divishon di Krímen Organisá a tene dos entrada hudisial den
kuadro di un investigashon penal relashoná ku sekuestro, trafikashon i eksportashon di
hende.
E entradanan hudisial a tuma lugá na un adrès den Kaya Alonso de Ojeda i riba Sta.
Rosaweg.
Na e kas den Kaya Alonso de Ojeda a detené un mama i su yu muhé di respektivamente
inisialnan M.L. di 56 aña di edat nasé na Colombia i A.C. di 20 aña di edat nasé na
Kòrsou.
Durante di e entradanan hudisial na tantu Kaya Alonso de Ojeda komo Sta. Rosaweg, a
konfiská diferente artíkulo ku ta di importansia pa e investigashon.
A presenta ámbos dilanti di un fiskal ouksiliar ku a ordená nan enkarselamentu pendiente di
mas investigashon.