Cft: “Oumento di ingresonan ta nesesario” / Cft: “Verhoging inkomsten noodzakelijk”

 

Cft: “Oumento di ingresonan ta nesesario”

Philipsburg – Sint Maarten mester priorisá oumento di e ingresonan. Kolegio di supervishon finansiero Kòrsou i Sint Maarten (Cft) a insistí riba esei den kòmbersashonnan ku resientemente a hiba ku Gobièrnu di Sint Maarten. Sin reformanan, den e añanan benidero, e pais lo no tin sufisiente rekurso pa gastunan públiko i invershonnan importante.

 

Cft tin bastante tempu ta ekspresá su preokupashonnan tokante di e echo ku e ingresonan di Sint Maarten no ta alkansá e nivel antisipá. E karga fiskal kolektivo ta 27 porshento, loke kompará ku Aruba, Kòrsou i Hulanda – kaminda tin karga fiskal promedio di 40 porshento – ta abou. E sistema di impuesto di Sint Maarten ta antikuá i e Servisio di Impuesto tin problema di implementashon. Debí na esaki, e pais ta pèrdè ingresonan supstansial. Banda di esaki, Fondo Monetario Internashonal ta antisipá défisitnan serka Uitvoeringsorgaan Sociale en Ziektekosten Verzekeringen (SZV) na 2027 den kaso ku no ta modifiká maneho. Sin reformanan, Cft ta antisipá défisitnan struktural riba e presupuesto di Sint Maarten.

 

Reformanan

Resientemente a inisiá un trayekto di reforma pa Servisio di Impuesto. Esaki ta un paso den bon direkshon. Den e konteksto aki, ta importante pa Servisio di Impuesto traha di manera mas integral pa loke ta trata implementashon. Banda di esei, tin mas opshon pa Sint Maarten oumentá e ingresonan, manera e introdukshon di un impuesto riba turismo, enfoke riba e kobro di e impuesto riba alohamentu i e introdukshon di un seguro médiko general. E echo ku un instansia so ta kobra impuesto i prima ta kondusí na un kobro mas efisiente i mas ingreso. Servisio di Impuesto por hasi mas kòntròl pa medio di kolaborashon ku Audit Team Sint Maarten. Cft ta urgi pa implementá e plannan aki mas pronto posibel pa asina generá mas ingresonan i realisá surplusnan riba e presupuesto. Di e manera aki, Sint Maarten por mehorá e posishon di likides i hasi gastunan públiko i invershonnan importante.

 

Presupuesto pa 2025 i 2026

Apesar ku a entregá e proyekto presupuestario pa 2025 na tempu, Sint Maarten atrobe no a logra pa konkluí e proseso presupuestario promé ku kuminsamentu di aña. Pa e periodo 2025–2028, e pais ta antisipá surplusnan. Den e marko aki ta suponé ku na 2026 lo introdusí un impuesto riba turismo. E medida aki lo kondusí na ingresonan adishonal, sinembargo, ainda no a konkluí e trayekto legislativo. P’esei, Cft ta konsiderá ku e surplusnan antisipá no ta sigur. E défisitnan persistente serka e fondonan di kuido tambe ta un riesgo pa e presupuesto nashonal.

 

Aktualmente, Sint Maarten ta trahando riba e presupuesto pa 2026. Cft ta urgi e pais pa hasi tur esfuerso pa stipulá e presupuesto promé ku aña nobo ta kuminsá, pa promé biaha for di 2010. Di e manera aki, e pais por duna un paso importante den e mehorashon di finansas gubernamental.

 

 

Cft: “Verhoging inkomsten noodzakelijk”

Philipsburg – Sint Maarten moet prioriteit geven aan het verhogen van de inkomsten. Daar heeft het College financieel toezicht Curaçao en Sint Maarten (Cft) in recente gesprekken met de regering van Sint Maarten op aangedrongen. Zonder hervormingen heeft het land de komende jaren onvoldoende middelen voor belangrijke publieke uitgaven en investeringen.

 

Het Cft maakt zich al langere tijd zorgen over de achterblijvende inkomsten van Sint Maarten. De collectieve lastendruk bedraagt 27 procent. Dit is laag ten opzichte van Aruba, Curaçao en Nederland met een gemiddelde belastingdruk van 40 procent. Het belastingstelsel van Sint Maarten is verouderd en er zijn problemen in de uitvoering bij de Belastingdienst. Hierdoor loopt het land substantiële inkomsten mis. Daarnaast verwacht het Internationaal Monetair Fonds bij ongewijzigd beleid tekorten bij het Uitvoeringsorgaan Sociale en Ziektekosten Verzekeringen in 2027. Zonder hervormingen verwacht het Cft structurele tekorten op de begroting van Sint Maarten.

 

Hervormingen

Recent is een hervormingstraject voor de Belastingdienst gestart. Dit is een stap in de goede richting. Belangrijk is daarbij dat de Belastingdienst in de uitvoering meer integraal opereert. Daarnaast zijn er andere mogelijkheden voor Sint Maarten om de inkomsten te verhogen, zoals de introductie van een toeristenheffing, focus op de inning van de logeerbelasting en de invoering van een algemene ziektekostenverzekering. Het innen van belastingen en premies door één instantie leidt tot een efficiëntere inning en meer inkomsten. De Belastingdienst kan meer controles uitvoeren door samenwerking met het Audit Team Sint Maarten. Het Cft dringt aan op spoedige uitvoering van de plannen om meer inkomsten te genereren en overschotten op de begroting te realiseren. Sint Maarten kan zo de liquiditeitspositie verbeteren en belangrijke publieke uitgaven en investeringen doen.

 

Begroting 2025 en 2026

Ondanks de tijdige aanlevering van de ontwerpbegroting 2025 slaagde Sint Maarten er wederom niet in het begrotingsproces voor de start van het jaar af te ronden. Voor de periode 2025-2028 verwacht het land overschotten. Daarbij wordt uitgegaan van een invoering van een toeristenheffing in 2026. Hoewel deze maatregel leidt tot extra inkomsten, is het wetgevingstraject nog niet afgerond. Het Cft acht de verwachte overschotten daarom onzeker. Ook de aanhoudende tekorten bij de zorgfondsen vormen een risico voor de landsbegroting.

 

Sint Maarten werkt nu aan de begroting 2026. Het Cft roept het land op alles in het werk te stellen om voor het eerst sinds 2010 de begroting voor de start van het nieuwe jaar vast te stellen. Het land kan daarmee een belangrijke stap zetten in de verbetering van de overheidsfinanciën.