Ministerio di GMN ta partisipá ku djárason dia 26 di febrüari ta kuminsá ku trabounan di drecha e mirador na Kenepa Grandi

Ministerio di GMN ta partisipá ku djárason dia 26 di febrüari ta kuminsá ku trabounan di drecha e mirador na Kenepa Grandi

Willemstad-  Ministerio di Salubridat, Medio Ambiente i Naturalesa (GMN) ta partisipá ku djárason dia 26 di febrüari ta kuminsá ku trabounan pa drecha e mirador na playa di Kenepa Grandi. Ta trata aki di trabounan únikamente na e mirador, pues e playa lo keda asesibel pa bishitantenan.

E mirador i e vloer ta den sumamente mal estado i awor si a yega tempu pa drecha esaki. E proyekto aki ta forma parti di e plan di Minister Pisas pa drecha i renobá nos playanan pa usuarionan lokal i turista.  Ministerio di GMN ta pidi diskulpa pa kualkier inkumbiniensha ku e trabounan aki por trese kune.