Parlamento di Kòrsou Komishon Sentral a kontinuá ku e presentashon tékniko riba “Ontwerplandsverordening houdende regels met betrekking tot een basisbetaalrekening voor consumenten (Landsverordening basisbetaalrekening) (Zittingsjaar 2023-2024-229)”

Parlamento di Kòrsou

Komishon Sentral a kontinuá ku e presentashon tékniko riba “Ontwerplandsverordening houdende regels met betrekking tot een basisbetaalrekening voor consumenten (Landsverordening basisbetaalrekening) (Zittingsjaar 2023-2024-229)”
Djaluna 24 di febrüari 2025, Na inisio di e Komishon Sentral, Parlamento a vota i bai di akuerdo pa kita punto C, di e agènda, kual ta e presentashon tékniko riba e proyekto di Lei ariba menshoná ku Curaçao Bankers Association. Motibu di esaki ta, ku Curaçao Bankers Association a indiká ku nan lo por ta presente riba un fecha den aprel 2025 pa duna e presentashon tékniko.
Despues, e reunion a kontinuá ku e kontestanan di Banko Sentral di Kòrsou i Sint Maarten, ku Miembronan di Parlamento a hasi durante e úniko tanda di 10 di febrüari último. Despues di e kontestanan risibí di Banko Sentral di Kòrsou i Sint Maarten, Presidente di Parlamento a será e reunion.
Djaweps 27 di febrüari 2025, lo trata e “Ontwerplandsverordening houdende regels met betrekking tot een basisbetaalrekening voor consumenten” den un Reunion Públiko ku Minister di Finansa.