Centrumgebied’ será durante marcha di despedida

Centrumgebied’ será durante marcha di despedida
Pa motibu di e insidentenan resien i pa garantisá òrden públiko, banda di e ruta di marcha di karnaval, lo sera ‘centrumgebied’ tambe durante marcha di despedida ku ta tuma lugá awe, djamars, 4 di mart.
A tuma e medida aki pa motibu di e bringamentunan ku a tuma lugá resientemente. Dor di limitá aglomerashon den sentro di siudat, polis ke garantisá ku e festividat ta kana na òrdu.
Lo sera ‘centrumgebied’ entre 6 or di atardi di djamars 4 di mart te ku 2 or di mardugá di djárason 5 di mart. Kayanan ku ta kondusí na ‘centrumgebied’ lo ta será via di Kaya L.D. Gerharts, Kaya Grandi i Kaya Libertador Simon Bolivar.
Ademas polis lo ehekutá listramentu preventivo pa prevení presensia di arma i otro ophetonan peligroso. Esaki ta un medida nesesario pa garantisá seguridat di un i tur.
Kuerpo Polisial Hulanda Karibense ta hasi un yamada na tur bishitante pa sigui instrukshon di outoridat i pa selebrá huntu na un manera responsabel i respetuoso.
