Minister Javier Silvania vs Giselle Marie Mc William
Giselle Marie Mc William
Apresiabel minister Silvania,
Konforme art 96 di nos RvO di Parlamento, komo Parlamento nos trabou ta pa kontrolá GOBIERNU dor di hasi pregunta pa por haña aklarashon.
Si , minister nos mester korta den subsidio for di 2017 , pasombra bo a lubida ku Kabinete Pisas 1 a bisa bon klá ku Kòrsou ta den BANKAROTA ?
Kemen na 2017 despues di Kabinete Pisas 1 a sinta ta tin un defísit di más ku 120 mion florin riba presupuesto di pais ku mester atendé den kuadro pa jega na un presupuesto balansa segun nos leinan.
Riba esaki na 2019 a laga kima Ontvanger ( p’asina bo por a kobra sèn di belasting) i mart 2020 COVID a dal aden !
Y ta bon ku bo a buta e tabel pa mustra ku pa presupuesto 2020 nos a kuminsa rekupará i a kuminsa hisa e presupuesto pa subsidio.
Minister keremí tin hende ku sá lesa i komprendé.
Y korda NO ta ami eksonera mionarionan miones di sèn di OB i primanan sosial di pueblo ( lesa konseho di Raad van Advies)
Na bon Papiamentu nos ta bisa, LAGA KUENTA PA 8 DIA i gewon kontesta e preguntanan den kuadro di lei i rèspèt na nos sistema demokratiko i e manera ku bo ta kontesta ta bisa ken abo ta.
Bo por mihó , Minister di Finansas di pais Kòrsou.
Giselle Mc William 💙
Javier Silvania
Karta habri na sra McWilliam MAN/PIN parti 5
Danki na nos maneho fiansiero, e gobièrnu aki no solamente a eliminá défisitnan, pero tambe a invertí den kresementu ekonómiko duradero. Miéntras ku gobièrnu di Sra McWilliam tabata depende di fiansanan eksesivo sin niun klase di mehorashon struktural, e gabinete aki a logra un finansas públiko stabil i duradero di forma ku por a hasi invershonnan stratégiko. Danki na mi maneho di compliance, nos a generá entradanan supstansialmente mas haltu ku presupuestá, kual nos ta usando pa benefisiá nos dushi pueblo direktamente.
Miéntras ku bo partido a faya pa años den maneho finansiero transparente, e gobièrnu aki a hasi invershonnan fundamental pa eliminá e retrasonan ku bo gobièrnu a laga atras a konsekuensia di boso maneho finansiero desastroso, algu ku nunka bo a duna kuenta i rason di dje. Nos lo sigi ruim op e desaster ku boso a laga atras, pa Adelanto I felisidat di nos pueblo.
Tur supsidio ku nos a duna tin konseho positivo di ministerio di Finansas i nan lo wordu inkorpora den e presupuesto supletorio konforme nos lei di komptabilidat.
Saludo Kordial,
Javier Silvania
Minister di Finansa/ Minister di Salubridat, Medio Ambiente & Naturalesa