Temporada nobo pa podcast di Gobièrnu di Kòrsou “Ki Bo Ke Men?”

WILLEMSTAD – Riba djadumingu, 9 di mart 2025, temporada #5 di e podcast ofisial di Gobièrnu di Kòrsou “Ki Bo Ke Men?” ta kuminsá. Tur siman lo bai tin un episodio nobo i por sintonisá esaki tur djadumingu pa 7:30’or di anochi via kanalnan ofisial di Gobièrnu di Kòrsou i Telecuraçao. Via Televishon Direct e podcast lo pasa tur djadumingu pa 6:30 PM.

Na mart 2023, Gobièrnu di Kòrsou a introdusí su podcast ofisial “Ki Bo Ke Men?”, ku e meta pa di un forma inovativo sigui informá komunidat riba vários tópikonan importante pa pais. E podcast ta un produkshon di Direktorado di Komunikashon i Informashon i ta enserá un kòmbersashon habrí entre un presentadó i dos invitado. Invitadonan den e podcast “Ki Bo Ke Men?” por ta un minister, un kolega ámtenar versá riba e materia spesífiko i/òf un eksperto. Durante kada episodio ta trata un tópiko spesífiko relashoná ku asuntunan gubernamental. Esaki por ta un tópiko ‘al kaso’ na e momento ei, aspektonan di servisio na públiko, un kampaña informativo di Gobièrnu òf un ministerio, pero e por ta tambe simplemente un tópiko di relevansia pa gobièrnu i nos komunidat.

Temporada #5 ta introdusí un presentadó nobo ku ta Christopher de Wind. Christopher ta un ámtenar ku a kuminsá laborá for di 2014 pa Ministerio di Enseñansa, Siensia, Kultura i Deporte komo trahadó sosial den e Servisio pa Skolnan Públiko (DOS). Na aña 2020 el a bai traha den e Departamento di Prevenshon den Ministerio di Desaroyo Sosial, Labor i Bienestar (SOAW). Aktualmente Christopher ta ehersé e funshon di ‘Hoofd Bedrijfsvoering’ den e sektor Famia i Hubentut na Ministerio di SOAW.

Gobièrnu di Kòrsou ta kere den krea plataformanan kaminda e ámtenar por desaroyá mas di su talentonan, banda di su kresementu profeshonal i personal. Esaki ta yuda pa nos kompartí mas di nos trabounan komo empleado públiko i mustra ken ta e ámtenarnan ku ta traha pa pais Kòrsou. Alabes esaki ta yuda pa Gobièrnu yega aun mas serka di kada siudadano ku ta forma parti di nos komunidat.

Un invitashon ta bai pa komunidat pa sintonisá Gobièrnu di Kòrsou su kanal ofisial “Gob.” (kanal 84) riba FLOW, pa mas informashon i produkshonnan oudiovisual.

---

 

WILLEMSTAD – Op zondag 9 maart 2025 gaat seizoen #5 van de officiële podcast van de regering van Curaçao, “Ki Bo Ke Men?”, van start. Elke week verschijnt er een nieuwe aflevering, die elke zondag om 19:30 uur te beluisteren is via de officiële kanalen van de regering van Curaçao en TeleCuraçao. Via Televishon Direct wordt de podcast om 18:30 uur uitgezonden.

In maart 2023 introduceerde de regering van Curaçao haar officiële podcast “Ki Bo Ke Men?”, met als doel om de gemeenschap op een innovatieve manier te informeren over diverse belangrijke onderwerpen voor het land. De podcast is een productie van de Directie Communicatie & Voorlichting en bestaat uit een open gesprek tussen een presentator en twee gasten. De gasten kunnen een minister zijn, een ambtenaar met expertise over een specifiek onderwerp en/of een deskundige. Elke aflevering behandelt een specifiek onderwerp dat verband houdt met overheidszaken. Dit kan een actueel thema zijn, aspecten van publieke dienstverlening, een voorlichtingscampagne van de overheid of een ministerie, of een onderwerp van algemene relevantie voor de regering en de gemeenschap.

In seizoen #5 wordt een nieuwe presentator geïntroduceerd: Christopher de Wind. Christopher is een ambtenaar die sinds 2014 werkzaam was bij het Ministerie van Onderwijs, Wetenschap, Cultuur en Sport als maatschappelijk werker binnen de Dienst Openbare Scholen (DOS). In 2020 trad hij in dienst bij de Afdeling Preventie van het Ministerie van Sociale Ontwikkeling, Arbeid en Welzijn (SOAW). Momenteel vervult Christopher de functie van Hoofd Bedrijfsvoering binnen de sector Familie & Jeugd van het Ministerie van SOAW.

De regering van Curaçao gelooft in het creëren van platforms waar ambtenaren hun talenten verder kunnen ontwikkelen, naast hun professionele en persoonlijke groei. Dit draagt bij aan meer zichtbaarheid voor het werk van publieke medewerkers en laat zien wie de mensen achter de overheid van Curaçao zijn. Tegelijkertijd brengt het de regering dichter bij elke burger die deel uitmaakt van onze gemeenschap.