Parlamento ta bai di akuerdo ku inisiativa di lei di partido polítiko MFK. Landsverordening bevordering arbeidsparticipatie jongeren ta stimula doño di trabou tuma un hoben sin experiensia den servisio.
Parlamento ta bai di akuerdo ku inisiativa di lei di partido polítiko MFK.
Landsverordening bevordering arbeidsparticipatie jongeren ta stimula doño di trabou tuma un hoben sin
experiensia den servisio.
Aseptashon di e lei aki ta un di e hopi promesanan hasí den elekshon ku partido polítiko MFK a
kumpli kuné. Esaki ta e prueba ku e promesanan hasí durante kampaña di partido MFK no ta
palabranan bashí, sino ku nan ta wòrdu materialisá den akshon konkreto.
Den esensia lei aki ta brinda e siguiente benefisionan:
Eksonerashon di loonbelasting i primanan sosial pa hóbennan:
Hóbennan entre 18 i 29 aña ku ta gana un salario te un máksimo di NAf. 37.168 pa aña por benefisiá
di un eksonerashon di loonbelasting i primanan sosial pa un período di 2 aña. E eksonerashon aki
por wòrdu prolongá un biaha pa un período di no mas ku 3 aña.
E eksonerashon aki ta terminá outomátikamente ora ku e persona kumpli 30 aña di edat.
Pa por kualifiká pa e eksonerashon aki, doñonan di trabou mester kumpli ku e siguiente
kondishonnan:
1. E doño di trabou mester tene su atministrashon di un manera regular.
2. Den e último 2 añanan promé ku entrega e petishon, e doño di trabou no a haña but pa
inkumplimentu ku leinan di inkomstenbelasting, winstbelasting, omzetbelasting òf loonbelasting.
3. E doño di trabou mester duna su aporte pa kontribuí na gastunan di edukashon di e empleado pa
e por desaroyá e kompetensianan nesesario pa por ehersé e trabou.
4. E kontrakt mester wòrdu firma pa tempu indefiní òf pa un mínimo di 6 luna.
5. E salario di e hoben ta ménos ku 37.168.
Ku e kondishonnan aki, ta segurá ku solamente e empresarionan ku ta kumpli ku nan obligashonnan
fiskal ta kualifika pa e eksonerashon aki.
Eksonerashon di loonbelasting i primanan relatá na overtime:
E lei aki ta brinda tambe un eksonerashon di loonbelasting i primanan sosial riba salario ganá
trahando overtime, te un máksimo di 10 ora pa siman. E eksonerashon aki ta apliká riba petishon na
inspektor di belasting i ta konta pa personanan ku ta gana te ku un máksimo di NAf. 81.229 bruto pa
aña.
