Djasabra 10 mei, bispu dia di mama den After 7 Special Edition…

SERGIO VARGAS NA KORSOU

…huntu ku Gentz i Highway Band WTC

 

Willemstad – “After 7” ta un konsepto nobo di Fiesta super eksitoso ku a kuminsá kuné na aprel 2024, kual ta apelá na un grupo di amante di ambiente diferente. E fiesta normalmente ta keda organisá riba e promé djabièrnè di luna entre e orario di 7 p.m. pa 1or di mardugá ku e bandanan Gentz Trechic tambe Highway Band semper den aire liber primeramente na Hacienda Olivia i e úniko di e aña aki tabata den Lanthùis Brakkeput meimei. Ku e siguiente ya ta bai den grandi, riba plano internashonal, ora ku direktamente for di Repúblika Dominikana yega un di e merenguenan mas gusta di tur tempu ku pa años kaba tin un andanada di éksitonan grandi riba su nòmber ku no mester di ningun introdukshon, kende ta SERGIO VARGAS ku su Orkesta for di Repúblika Dominikana. Elo ta despues di mas di 15 aña bèk na Kòrsou huntu ku su orkesta pa presentá tur su éksitonan, djasabra 10 mei 2025, kual un dia promé ku Kòrsou ta selebrá dia di mama den un edishon speshal di “After 7” bailabel huntu ku agrupashon musikal Gentz Trechic i e tan gusta Highway Band tambe lo tei e DJnan El Fuerte i Lucy. Pa e okashon speshal aki, WTC a wòrdu skohé komo esenario pa e grandioso evento aki.

Despues ku riba e plataformanan sosial a keda publiká algun siman atras ku Sergio Vargas ta rumbo pa Kòrsou, ta hopi ta esnan ku a kuminsá buska informashon pa ku e presentashon aki tambe ya un grupo grandi di hende tin nan karchi den nan man kaba paso nan a sa di probechá di e super early bird, den e kuadro aki un kantidat limitá di karchi na preis super redusí a keda ofresé i optenibel únikamente na Ticket Point na Zeelandia. Ainda esunnan ku ta interesá por pasa na e punto di benta aki i wak si nan tin suèltu di por haña algu ainda. Pues tin tur indikashon ku e “After 7” edishon speshal aki lo bai ta aún mas grandi.

 

BENTA DI KARCHI

 

Benta di karchi di entrada pa ku e Fieston aki, lo start ofisialmente djaluna 17 mart 2025. WTC lo bai wòrdu parti den dos (2) sekshon, kual nan lo ta sekshon VIP mesa i sekshon General.

 

Karchinan pa e sekshonnan di General ta na balor di Fls. 65,– i optenibel na Ticket Point Zeelandia, 24 UUR, Around The Clock Rio Canario (pega ku departamento di tráfiko) i ESO.

 

Pa kompra i reservashon di karchi pa e sekshon V.I.P. sintá na Mesa i tambe na mesa pará por yama Posh na e number 520 – 9700 pa mas informashon