KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNU

PROME MINISTER A BISHITA PRINSES AMALIA BASIS SCHOOL

Prome Minister Evelyn Wever-Croes:

Den cuadro di celebracion di nos Dia Nacional,

PROME MINISTER A BISHITA PRINSES AMALIA BASIS SCHOOL

“Muchanan a canta Himno di Aruba “uit volle borst”

ORANJESTAD – Ya faltando poco dia pa e celebracion di nos Dia di Himno y Bandera, Prome Minister Evelyn Wever-Croes a sigui cu su bishitanan cerca varios scol na Aruba. Un custumber cu semper ta yena Prome Minister cu alegria y emocion. Diabierna mainta, den compania di Minister di Cultura, Xiomara Maduro, nan a bishita Prinses Amalia Basis School. 

 

Na yegada di Prome Minister hunto y Minister Xiomara Maduro nan por a presencia con e muchanan cu hopi entusiasmo y “uit volle borst”, a canta nos dushi himno Aruba Dushi Tera y a hisa nos bandera.

“Un bunita momento cu ta yenabo cu emocion pa mira con e scolnan ta inculca e amor pa nos himno y nos bandera den nos muchanan”, Prome Minister a expresa.

 

Despues e dos mandatarionan a bishita alumnonan di klas 5 y 6 pa aprecia con e muchanan ta prepara pa e dia importante aki y combersando cu nan, por a mira cu nan ta carga celebracion di nos Himno y Bandera den nan curason. E mandatarionan a interactua na un manera hopi ameno cu e muchanan contando storia y haciendo preguntanan riba nos Dia Nacional.  

 

Prome Minister a gradici Cabesante Roelien y su ekipo di maestronan pa e bunita recepcion, pero specialmente pa planta e simiya den e curason di e muchanan y asina nan desaroya e amor pa nos himno, nos bandera y pa Aruba. Asina ora nan ta adulto, nan lo ta embahadornan digno di Aruba unda cu nan bay.

Leave a Reply

This site uses Akismet to reduce spam. Learn how your comment data is processed.