Tempu ta e mihó maestro.

Tempu ta e mihó maestro.

 

Esaki ta e dicho ku hende grandi sa usa!.

I den realidat semper e ta pasa tambe.

Dia ku mi a bai laga MPB i ku e gobiernu di UPB i MPB a kai, miembronan di e dos partidonan aki a tuma mi masha malu.

Pa medio di nan mucha manda nan a skirbi un kantidat di kos di mi, i hasta menasa a kai.

Pero poko poko pueblo ta mira un di e motibo nan dikon mi mester a bandoná MPB i e gobiernu.

Ata awor pueblo por mira kiko mi tabata kier a men ku mal maneho di MPB i UPB i dikon mi tabata kontra.

Fuera di e kantidat di proyekto mal prepará i frakasá ata awor e polèchi di Selibon a sali.

Ora ku e gobiernu nobo di Demokrat, M21 i frakshon Vrolijk a sintá, mesora a kuminsa ku e trabou pa strèt gobiernashon i pa e funshoná Hustu i Duradero!!.

Un di e batata kayente ta Selibon.

Komo ku e esaki tabata tin su problema nan hopi skondi, no por kai direktamente riba tur e fayo nan.

Si a kuminsa atende mesora riba e maneho ku tabata desastroso.

Gobiernu nobo mesora a hañé ta atende ku un di e tantistima kandela nan, ku te ainda no por haña un o mas persona ku a pega esaki.

Pero tambe mester atende e parti di asbest i restu nan mediko ku e gobiernu di UPB i MPB nunka a atende.

Ata awor pa pone e chèri riba e bolo, niun hende no sa na unda e 6.5 mion dolar di supsidio di Hulanda a bai.

Danki na Clark Abraham ku sostén di e koalishon aktual ku a kuminsa ku e reorganisashon di Selibon.

E reorganisashon a habri un bèrput hopi grandi.

Lastimamente asta e representante di Reino mester a kai aden i a pèrde su kaso den korte.

Punto final di esaki ta ku gobiernu di Boneiru aktual tin rason!!!!

E la kuminsa un proseso korekto pa ku Selibon.

Algu ku pa kuminsa e hunta di komisario di Selibon i  BHM mester a kuminsa for di hopi aña kaba.

Pero tambe e representante di Reino, minister, sekretario di estado i e ministerio infrastruktura i kestion di awa.

Na unda boso tabata ta tur e tempu??

Pero awor ku a kuminsa ku e proseso pa drecha Selibon i tambe e lèntfil, si tur ta kai aden, pa skapa nan pellejo.

Loke ningun no ke kompronde i tende ta ku e gobiernu aktual No tei pa kulpa niun hende pero pa traha konhuntamente riba e SOLUSHON!!!!

E gobiernu di DP, M21 i Vrolijk tei pa traha Hustu i Duradero.

I pa logra esei mester traha konhuntamente ku tur ku ta enbolbi pa yega na solushon nan duradero na interés di Boneiru.

Esaki diputado Abraham a bisa tambe den e reunion nan di 2^de kamer di Hulanda.

Ela splika bon kla ku NO ta e gobiernu aktual a okashoná e problema,

Pero e la hañé ku ne, i awor mester traha konhuntamente riba e solushon.

Kual ela splika tambe ku gobiernu tin pa plaso largo.

Dus ban traha konhuntamente riba e solushon!!!

I pa loke ta e supsidio di 6.5 mion dolar ku ta perdi, laga kuminsa un investigashon pa wak na unda e sen nan aki bai for di aña 2016!!!

I awor pueblo por kompronde tambe un di mi motibo nan dikon mi NO por a keda den MPB i e gobiernu di MPB i UPB??