Formalisashon i drechamentu di e struktura di salario pa e empleadonan di Servisio di Seguridat (VDC).

 

Formalisashon i drechamentu di e struktura di salario pa e empleadonan di Servisio di Seguridat (VDC).

 

Willemstad – E tareanan i outoridat di e Servisio di Seguridat i Inteligensia di Kòrsou a keda stipulá den un propio ordenansa nashonal for di 10 di òktober 2010.

Den esaki  aspektonan  di posishon hurídiko, manera un struktura di salario, no a keda  inkluí e tempu ei.

 

For di 2018, Minister di Asuntunan General, den estrecho koperashon ku e Servisio, HRO i WJZ, a traha  riba formalisashon i drechamentu di e struktura di salario pa e empleadonan di Servisio di Seguridat.

 

Ku e introdukshon di un struktura di salario spesífiko pa personal di VDC, ku ta kuadra ku e karakter spesial di e Servisio, lo rektifiká e diskrepansia entre e pago di personal di VDC for di promé ku 10 di òktober 2010 i e pago di personal di VDC ku a drenta den servisio despues di 10 di òktober 2010.