Promé Minister sr. Gilmar Pisas a risibí representantenan di global oil

Promé Minister sr. Gilmar Pisas a risibí representantenan di global oil

 

Willemstad – Promé Minister sr. Gilmar Pisas a risibí representantenan di Global Oil en konekshon ku e situashon ku ta reinando entre Merka i Venezuela dia 3 di aprel 2025.

 

Presente tabata di parti Global Oil srs. Harry Sargeant, Matt Addington i Shawn Potts.

Di parti 2 BAYS tabata presente sr. Patrick Newton.

 

Basa riba e situashon ku tin aktualmemte entre Merka i Venezuela, e representantenan di Gobal Oil a opta pa bini Kòrsou pa asina nan por a duna Promé Minister sr. Pisas informashon adishonal i balioso pa ku e posibilidatnan ku tin pa Global Oil por keda funshoná aki na Kòrsou.

 

A elaborá tambe riba e lisensianan ku ta nesesario, inovashonnan ku a keda hasi na Refineria, invershonnan ku lo bai keda kristalisá i posibel alternativanan pa tur proseso, palabrashon i desishonnan ku a keda tuma por kontinuá.

 

E kombersashon tabata unu hopi ameno i fruktífero.