Sekretario di Estado sr. Szabó ku bishita di trabou serka Konseho di Minister / Staatssecretaris de heer Szabó brengt werkbezoek aan de Ministerraad
Asuntunan General i Promé Minister
Sekretario di Estado sr. Szabó ku bishita di trabou serka Konseho di Minister
Publiká riba 09 Aprel 2025
WILLEMSTAD – Dia 9 di aprel 2025, sr. Zlost Szabó, Sekretario di Estado enkargá ku Relashonnan den Reino i Digitalisashon, a hasi un bishita di trabou pasando serka Konseho di Ministernan. Na promé instante Sr. Szabó a felisitá Sr. Pisas pa e viktoria durante e elekshon parlamentario di dia 21 mart 2025.
Sr. Pisas a aseptá felisitashon i a bai den detaye splikando Sr. Szabó kiko tabata e éksito durante di e elekshon. Esei sigur ta e efekto di merkadeo kaminda a presentá e trabounan ku a keda realisá i tambe a reflehá riba éksitonan ku a logra den e sektor di salubridat. Mas aleu sr. Pisas a enfatisá ku apesar di a gana ku un mayoria relativamente amplio, sigur lo sòru pa goberná di un forma demokrátiko i a elaborá kon lo e hasi esaki tambe.
Seguidamente a trata tambe e tema di e Kadena di balor pa produkshon i distribushon di hidrógeno bèrdè. E tema akí sigur riba un término largu ta di balor pa Gobièrnu di Kòrsou, pero e realidat ta ku e ta keda un proyekto kostoso i den e periodo benidero mester wak kon ta bai sigui, mirando ku gobièrnunan ta trata di pone fondo disponibel. Esaki ta keda un reto i a korto plaso gobièrnu mester disidí kon pa resolvé e situashon akí. Lo sigui elaborá riba e tema akí tambe aki 2 siman ku minister Dirk Beljaarts, kual ta Minister di Asuntunan Ekonómiko di Hulanda.
Di ámbos banda a elaborá riba puntonan ku ta kai bou di geopolítika i a papia kon tur e paisnan den Reino Hulandes lo mester komuniká ku otro i buska pa wak kiko e impakto ta pa kada un di nos. Sr. Szabó a indiká ku e Minister di Relashonnan den Reino ta dispuesto pa yuda nos aparato públiko ku informashon kaminda esei ta nesesario.
Durante di e enkuentro a papia tambe di e Pakete Pais kual ta kaduká na 2027. Di ámbos banda a mustra interes pa, apesar ku e Pakete Pais terminá, tòg lo por bai evaluá te kon leu por sigui traha huntu pa temanan ku ta andando i ku lo ta di balor agregá pa sigui traha huntu riba dje.
Pa konkluí, a hasi palabrashonnan inisial kon ta bai atendé ku fiansanan di pais ku durante di e aña akí ta bini na remarke, kual mester kuminsá paga bèk loke a wòrdu fiá. Tin palabrashon pa hasi e ehersisionan nesesario i riba término kòrtiku lo bai den deliberashon na mesa na nivel di ámtenar primeramente.
Algemene Zaken en Minister President
Staatssecretaris de heer Szabó brengt werkbezoek aan de Ministerraad
Geplaatst op 09 04 2025
WILLEMSTAD – Op 9 april 2025 bracht de heer Zsolt Szabó, Staatssecretaris belast met Koninkrijksrelaties en Digitalisering, een werkbezoek aan de Ministerraad. In eerste instantie feliciteerde de heer Szabó de heer Pisas met de overwinning tijdens de parlementsverkiezingen van 21 maart 2025.
De heer Pisas nam de felicitaties in ontvangst en ging vervolgens inhoudelijk in op de factoren die tot dit verkiezingssucces hebben geleid. Volgens hem was dit vooral te danken aan de communicatiecampagne waarin de reeds behaalde resultaten onder de aandacht zijn gebracht, met name de successen binnen de gezondheidszorgsector. Verder benadrukte de heer Pisas dat ondanks het behalen van een relatief ruime meerderheid, hij zich blijft inzetten voor een democratisch bestuur. Hij lichtte toe hoe hij dit in de praktijk wil waarmaken.
Vervolgens kwam ook het onderwerp van de waardeketen voor de productie en distributie van groene waterstof aan bod. Op lange termijn is dit een belangrijk thema voor de regering van Curaçao, maar de realiteit is dat het om een kostbaar project gaat. In de komende periode zal moeten worden bekeken hoe hiermee verder wordt gegaan, aangezien overheden proberen middelen beschikbaar te stellen. Dit blijft een uitdaging en op korte termijn moet de regering beslissen hoe deze situatie moet worden aangepakt. Over dit onderwerp zal over twee weken verder worden gesproken met minister Dirk Beljaarts, de Nederlandse minister van Economische Zaken.
Van beide kanten werd er ook ingegaan op geopolitieke kwesties en werd besproken hoe de landen binnen het Koninkrijk der Nederlanden met elkaar kunnen blijven communiceren en kijken wat de impact is voor elk afzonderlijk land. De heer Szabó gaf aan dat het Ministerie van Koninkrijksrelaties bereid is om het ambtelijk apparaat van Curaçao te ondersteunen met informatie waar dat nodig is.
Tijdens de ontmoeting werd ook gesproken over het Landspakket, dat in 2027 afloopt. Van beide zijden werd interesse getoond om, ondanks het formele einde van het Landspakket, toch te bekijken hoe de samenwerking op lopende en waardevolle thema’s kan worden voortgezet.
Tot slot zijn er eerste gesprekken gevoerd over de manier waarop Curaçao zal omgaan met de staatsgaranties die in het afgelopen jaar vervallen zijn. Er zal moeten worden gestart met het terugbetalen van de aangegane leningen. Er zijn gesprekken gaande om de noodzakelijke stappen hiervoor te zetten, en op korte termijn zal het onderwerp eerst op ambtelijk niveau verder worden besproken.
