KUERPO POLISIAL KÒRSOU

KOMUNIKADO DI PRENSA

12 aprel 2025

Kontròl pa violashon di lei di arma di kandela i lei di tráfiko

133/2025

Djabièrnè 11 di aprel 2025, personal di warda di polis di Rio Canario a tene kontròl
preventivo den kuadro di violashon di e lei di arma di kandela i infrakshonnan den tráfiko.
Alrededor di 19.55’or a tene kontròl riba Cabo Verdeweg na altura di un minimarket.
A listra 46 vehíkulo i 16 persona. Un (1) persona tabata den posishon di un pildora paresido
na XTC i no tabatin un identifikashon balido huntu kune.
A repartí na e sitio tambe 10 prosès verbal pa diferente violashon di e lei di tráfiko,
mientras ku dos vehíkulo a keda hibá kura na Mahuma riba kran.
Mas o menos 21.15’or a kontinuá ku e kontròl aki den Haitiweg na altura di un minimarket.
Aki a listra den 40 vehíkulo i 18 persona. A konfiská un skèr i un kantidat limitá di mariwana.
A parti 29 prosès verbal pa diferente infrakshon den tráfiko i 6 vehíkulo a keda transportá
pa kurá pa motibu ku dokumentunan no tabata na òrdu.
E kontròlnan aki lo kontinuá.