KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNU

Akuerdo ku Fundashon Pro Deporte Sint Joris

Enseñansa, Siensia, Kultura & Deporte

 

Akuerdo ku Fundashon Pro Deporte Sint Joris

Publiká riba 15 Aprel 2025

Akuerdo entre Gobièrnu i Fundashon Pro Deporte Sint Joris

Willemstad – Gobièrnu di Kòrsou a firma un akuerdo di maneho ku e organisashon Fundashon Pro Deporte Sint Joris. Minister di Tráfiko, Transporte i Planifikashon Urbano sr. Charles Cooper huntu ku Minister di Enseñansa, Siensia, Kultura i Deporte sr. Sithree van Heydoorn den representashon di Gobièrnu a firma akuerdo di maneho (‘beheersovereenkomst’) entre Gobièrnu di Kòrsou i e Fundashon ariba menshoná.

E organisashon a keda representá pa su direktiva ku ta señores Omero Da Costa Gomez (Presidente), sr. Juniel Carolina (Sekretario) i sr. Maikel Windston (Tesorero). Huntu e direktiva a firma pa desaroyá e tereno deportivo den e bario di Sint Joris. E akuerdo di maneho aki ta bálido pa 5 aña i ku posibilidat pa ekstenshon.

Ministernan a keda kontentu ku e akuerdo aki komo huntu ta traha na bienestar di nos hóbennan den e área deportivo i sigui duna oportunidat na tur organisashon ku ta para pa desaroyo di nos País. Minister Cooper i van Heydoorn ta gradisí i deseá e organisashon tur klase di éksito.

* Riba e potrèt nan athunto por tuma nota di e momentu ku Ministernan a firma e akuerdo huntu ku representantenan di e Fundashon Pro Deporte Sint Joris.

639114718427035"
639114718427035"